Маусым айының 18 күні аудан әкімінің азаматтарды жеке қабылдауы болып өтті. Жеке қабылдауға жазылған азаматтардың саны үш адамды құрады. Аудан басшысына келген тұрғындарының көптеген мәселелері су және жер телімдеріне қатысты болды.

Азаматтар тарапынан көбінесе су арнасын бөгеуге рұқсат алу, жер телімін беру және басқа да мәселелер көтерілді. Мысалы, қабылдауға келген Үлкенбөкен ауылының тұрғыны Кәкен Сүлейжанов жоғары өнімді балық түрлерін өсіру мақсатында Үлкенбөкен ауылынан жоғары орналасқан өзен арнасын бөгеп беру бойынша өтінішін қарауды сұрады. Аудан әкімі К.Сүлейжановқа сала басшыларымен бірлесе заң аясында тиісті жауап беретінін айтты. Келесі қабылдауға келген Көкпекті ауылының тұрғыны Зухра Калиева жер дауы бойынша мәселе қозғады. Осы орайда Асхат Сайдахметұлы жер қатынастары бөлімінің басшысы Ж.Бахтиновқа аудандағы бос жатқан жерлерге түгендеу жүргізіп, жердің картасын жасауды тапсырды.

Ал Көкпекті ауылындағы Больничный қалашығынан келген зейнеткерлер Нафиса Нигматуллина мен Людмила Эрлихтің мәселесі су жөнінде болды.

Аталмыш сұрақтарға аудан басшысы заң аясында жауап беріп, әрбір азаматтың өтініш-ұсыныстарын бақылауға алатындығын айтып, өз орынбасарларына және тиісті мекемелер басшыларына әрбір азаматтың арыздарын мұқият зерделеуді, өтініш иелеріне нақты жауаптар беру бойынша тапсырмалар берді. Жеке қабылдауға жазылған азаматтар өздерін толғандырған мәселелерін айтып, қолдау сұрап, өз сауалдарына нақты жауаптар алды.

ШОЛПАН АСЫЛБЕКҚЫЗЫ

Пікір: