29 наурызда аудан әкімі Раджан Сейтқанов Мариногорка, Бастаушы және Құлынжон ауылдық округтерінің тұрғындарымен кездесті. Кездесулердің негізгі мақсаты - Раджан Қайырқанұлының ауданның әлеуметтік-экономикалық дамуы туралы есебі, тұрғындардың сұрақтарына жауап беру, сондай - ақ Абай облысын құру және оның аумаққа бөлінуі сияқты барлық тақырыптар бойынша өзекті мәселелерді талқылау. Жиналысқа аудан әкімінің орынбасарлары, аудандық мәслихат хатшысы Талғат Сарманов және дербес бөлім басшылары қатысты.

АУЫЛ ТАҒДЫРЫ- БІЗДІҢ ҚОЛЫМЫЗДА

Алғашқы кездесу Мойылды ауылында өтті. Раджан Қайырқанұлы қатысушыларды өткен жылғы ауданның әлеуметтік-экономикалық дамуының негізгі көрсеткіштерімен қысқаша таныстырды. Сондай-ақ, ол осы кезеңде жергілікті тұрғындар үшін маңызды екі мәселе шешілгенін атап өтті. Ауылда жарық орнатылды және көпір жөнделді.

Одан әрі аудан басшысына «Ауылда көше жарығын орнату жалғаса ма?» деген сауалмен өрбіді. Раджан Қайырқанұлы бұл ауылды абаттандыру бойынша жұмыстың маңызды кезеңі екенін, бірақ оған қосымша қаржыландыру қажет екенін айтты. Сондай-ақ Мойылды ауылынан Мариногорка орта мектебіне балаларды тасымалдайтын Газель көлігін ауыстыру туралы мәселе көтерілді, себебі ол жиі бұзылады. Аудан басшысы жаңа көлік бере алмайтынын, алайда аудан басшылығымен және аудандық білім бөлімімен бірге техникалық жағдайы жақсы автокөлік немесе автобус табуға тырысатынын атап өтті. Сондай-ақ, Мойылды ауылына апаратын жолды грейдерлеу алдағы уақытта жасалады.

Раджан Қайырқанұлы өз сөзінде тұрғындарды бұрын мектеп орналасқан ғимаратты, ал соңғы жылдары онда «Балауса – Көкпекті 3» лагері орналасқан ғимаратты сақтап қалуға шақырды. Бұл тапсырманы бақылау округ әкімшілігі мен аудандық білім бөліміне жүктеді.

Содан кейін делегация Жұмба ауылына барды. Аудан әкімі қазіргі уақытта жүзеге асырылып жатқан және ауылды абаттандыру аясында жоспарланған жұмыстар туралы айтып берді. Бұл ауылға апаратын жолды жөндеу, жол бойындағы ағаштарды кесу; жарықтандырудың болмауы, жергілікті клубты жөндеуге қатысты болды. Жақын арада жолды жөндеуді жалғастыру, жарық орнату (мектеп орналасқан көшеден басталады) және клубта жөндеу жұмыстары жүргізіледі. Сондай-ақ, Раджан Қайырқанұлы көктемгі су тасқынын алдын алу кезеңіне  дайындық  мәселесін  қозғады.

Осыдан кейін ауыл тұрғындары  түрлі салаларға қатысты сұрақтар қоя бас-тады. Әнуарбек Сылатаев үйлердегі жарықтың сөнуіне, көше жарығының, ұялы байланыс пен интернеттің болмауына наразылығын білдірді. Көпірді жөндеу қажеттілігі туралы айтылды. Мәйітхананың болмауы-тек осы ауылдық округтің ғана емес, халықты толғандыратын маңызды тақырып.

Ауылдың тағы бір тұрғыны Қайрат аға жергілікті кітапхананың жабылуына және кітап қорының Мариногорка ауылына көшірілуіне наразы. Ол кітапхана жұмыс істеуі керек деп санайды және ол үшін барлық жағдайды жасауға болады. Су мұнарасы бар судың болмауы жергілікті тұрғындарды да алаңдатады. Сондай-ақ, жұмыспен қамту орталығынан жұмысшылардың жалақысының кешігуі; жайылымдардың, шабындықтардың болмауы туралы сұрақтар көтерілді.

Тұрғындардың бірі жергілікті тас жолдың 5 шақырымында көтерілу учаскесі бар екенін, оны тез арада толтыру керектігін, әйтпесе төтенше жағдай орын алуы мүмкін екенін айтты. Галина Бирюкова балаларға арналған ойын-сауық (спорт, ойын) алаңдарының жоқтығына шағымданды. Тағы бір тұрғын жергілікті тұрғындар үшін медициналық көмек пен дәрі-дәрмек алудағы қиындықтар туралы айтты. Кездесу соңында дүкендердегі бағаны реттеу қажеттілігі туралы мәселе көтерілді.

Ауылдық округтің орталығы – Мариногорка ауылында аудан тұрғындарымен кездесу басқа ауылдардағыға ұқсас форматта өтті. Округ әкімі Қайдар Сурашев пен аудан басшысы Раджан Сейтқановтың қысқаша баяндамаларынан кейін тұрғындар бұрын басқа ауылдарда айтылған мәселелерге ұқсас мәселелерді айтты. Атап айтқанда, мобильді байланыс пен интернет жұмысындағы кедергілер, сондай-ақ жайылымдық жерлердің жетіспеушілігі талқыланды.

Айта кетейік, Мариногорка ауылдық округінің ауылдарындағы кездесулерге ҚР Мемлекеттік қызмет істері агенттігінің ШҚО бойынша департаментінің басшысы Нұрлан Тәңірбердіұлы Еркебаев қатысты. Ол азаматтардың қазіргі жағдайымен және проблемаларымен танысып қана қоймай, мемлекеттік қызметшілердің жұмысы туралы да айтып берді. Нұрлан Тәңірбердіұлы мемлекеттік қызметтегі адал еңбектің арқасында ауылдан келгендер өз ауылының, ауданның, жалпы облыстың мәселелерін шешуге тиімді көмек көрсете алатынын атап өтті. Өйткені, әр ауылдың тағдыры-біздің қолымызда.

ОКРУГ ИГІЛІГІ ҮШІН ЖҰМЫС

Одан әрі Бастаушы ауылының тұрғындарымен кездесу өтті. Ауылдық клубқа жергілікті тұрғындардың едәуір бөлігі жиналды. Округ әкімі Айнұр Отаршина мен аудан басшысы Раджан Сейтқановтың қысқаша есептерін тыңдаған тұрғындар ауданның дамуына қатысты және өздерін толғандырып жүрген сауалдарын қойды.

Алғашқы сауалдар Бастаушы ауылының орталық көшесін жөндеу, спорт модулін салу, патологоанатом дәрігерінің жоқтығы тағы да баса айтылды.

Ауыл тұрғыны А.Мурзаканов бұрынғы балабақша ғимаратының орнына спорт алаңын салуды ұсынды. Сондай-ақ жергілікті ДА-ның шатырын ауыстырып, жөндеу жұмыстарын жүргізу қажеттігін айтты. Шабындық пен жайылымдық жерлердің жетіспеуі, жайылымдарды суару үшін судың қажеттілігі, мал азығына шөптің аздығы және оның қымбаттығы туралы сұрақтар көтерілді.

Ауыл тұрғыны Ш.Ғабитов Әл-Фараби көшесінің жол жабынын  шаруа қожалықтарының күнделікті өтетін техникалары біртіндеп бұзып жатқанын айтып шағымданды.

Келесі кездесу Көкжота ауылында өтті. Раджан Қайрқанұлының қысқаша баяндамасынан кейін жергілікті тұрғындар бірқатар сұрақтар қойды.

Ең алдымен су қабылдағыш құрылымдарды жөндеуді аяқтау қажеттігі айтылды. Б.Сарбасов жергілікті мектепке  Ұлы Отан соғысының ардагері, Көкжотаның тумасы О.Малдыбаевтың есімін беруді ұсынды. Гүлжанат апай тұрғын үйлерге таза ауыз су берудегі үзілістерге наразылығын білдірді.

Жиын аясында аудан басшысы О.Малдыбаевтың 100 жылдығына орай ұлттық спорт түрлерінен жарыс ұйымдастырып, өткізуді тапсырды.

ТАҒЫ ДА ЖЕР ТУРАЛЫ

Бұл күнгі қорытынды кездесулер Құлынжон ауылдық округіндегі халықпен өткен есептік кездесулер болды.

Көкжыра ауылының тұрғын-дарымен өткен жиында аудан әкімі Раджан Сейтқанов жауапты қызметтерге алдағы уақытта осы жерде көше жарығының іске қосылуын қамтамасыз етуді аяқтауды, сондай-ақ, жайылымдарға қатысты жер мәселелерін зерделеп, шешуді тапсырды.

Тұрғындардың бірінде Құлынжон қорықшасымен шектесетін сатып алынған жер теліміне қатысты мәселе туындады. Округтегі жер ресурстарын тиімді пайдалануға байланысты бірнеше сұрақтар мен ұсыныстар айтылды.

Сондай-ақ, медпункт, балабақша ғимараты мен ауылдық клубты жөндеу қажеттігі айтылды. Ауыл тұрғындары  ойын алаңында жарықтың жоқтығы, жалпы оның құрылысы немқұрайлылықпен салынғанын айтты.

Құлынжон ауылының тұрғындарымен болған сұхбатта аудан басшысы Раджан Қайырқанұлы алдағы уақытта су желілерін қосу, жолдарды тегістеу жұмыстары жүргізілетінін қадап айтты.

Азаматтар негізінен «жер» санатына қатысты сұрақтарымен жүгінді. Мысалы, күтпеген жағдайларда ЖШС құрылтайшылары арасында жер учаскелерін бөлу.

Е.Әкімжанов көмір сатып алғанда ауылға таразы орнату керек деген пікір білдірді. Алайда, Раджан Қайырқанұлы мұндай мақсатқа мемлекеттік бюджеттен ақша қарастырылмағанын бірден ескертті.

  Сонымен қатар, жергілікті дүкендердегі бағаларды қадағалау қажеттігі тағы да айтылды. Ауыл азаматтарын округтердегі тәртіп сақшылары мамандарының  жетіспеушілігі сияқты сұрақтар мазалады. Сонымен, бір учаскелік полиция     инспекторы бірнеше ауылдық округтерге бекітілген. Аудан басшысы бұл жағдайды қолайсыз деп санап, осыған байланысты жергілікті жерлерде тиімді жұмыс істеп және құқықтық тәртіпті сақтау үшін  кадр-ларды қосымша іс сапарға жіберуді тапсырды.

Жиын соңында көп балалы ауыл тұрғыны бірте-бірте жарамсыз болып бара жатқан ескі үйдің орнына жаңа бас-пана беруге көмек сұрады.

   Айта кетерлігі, әр ауыл тұрғындарының өтініштері мен тілектері арнайы хаттамаға жазылды. Есептік кездесуде көтерілген мәселелерді шешу  жауапты мекемелер мен жергілікті әкімшіліктерге жүктелді.

Пікір: