Көкжайық ауылдық округі аудан орталығынан 53 шақырым  қашықтықта орналасқан.  Жер аумағы 139 902 га.  Округтегі аула саны 445, халық саны 1545 адамды құрайды.Оның ішінде экономикалық белсенді халық 618 адам, 16 жасқа дейінгі балалар 382. 2021 жылы  дүниеге 16 сәби келді.

Ауыл шаруашылығы

          Ауылдық округ бойынша ауыл шаруашылық жерлерінің көлемі – 40 466 га, оның ішінде егістік – 20 055 га, шабындық 3777 га, жайылым – 16 634 га. Өткен жылғы  егістік көлемі – 3027 га құрады. 

Жыл сайын мал басының өсу қарқыны байқалады.  2021 жылдың 1 қаңтарына  10777 бас ірі қара (101,3 пайыз өсім),  қой-ешкі 7257 бас (100,1 пайыз өсім), жылқы 3240 (101 пайыз өсім) тіркелген. 

Округте 53 шаруа қожалық тіркелген. Мал шаруашылығын одан ары дамытуға  4 шаруашылық өтінім беріп, мемлекет тарапынан 26,2 млн.теңге сомада субсидия алып отыр. Округтегі  «Елім-ай» шаруа  қожалығының мал бордақылау алаңында 3000  бас ірі қара мал, 50 бас жылқы борадақылануда.

Ветеринария саласында 7 маман қызмет көрсетуде. 2021 жылы сарып ауруына   7500 бас ірі қара мал,  5600 ұсақ мал тексеруден өтіп, 241 бас ірі қара мал және 4 бас қой оң нәтиже берді, анықталған малдар арнайы орынға өткізілді. Иесіз  қаңғып жүрген 89 иттер жойылды.

Салық

Округтегі жер және мүлік салығын төлеушілер саны – 389 адам.

Көлік салығын төлеушілер – 174 адам.

2021 жылға жоспарланған салық түсімдерінің мөлшері 3 млн 900 мың теңге, орындалғаны 4 млн 090 мың теңге.

Білім беру

          Ауылдық округте 2 орта  мектебі, 1 бастауыш мектеп оқушыларға білім береді:

-          «Көкжайық орта мектебінде», оқушылар саны- 209, 40 мұғалім; 

-            Ақ-ой ауылындағы  А.С. Пушкин атындағы  орта мектебінде 72 оқушыға 29 мұғалім білім береді.  Қарамойыл  елдімекенінен  25 оқушы автобуспен күнделікті мектепке тасымалданады.

-            Қарамойыл  ауылындағы  Ю.Гагарин  атындағы бастауыш  мектебінде 12 балаға 5  мұғалім  білім  береді.

Сондай-ақ, Көкжайық ауылында  толық күн режиміндегі «Бөбек лүпілі» балабақшасы жұмыс істейді. Ондағы тәрбиеленушілер саны -  60 бала, шағын орталықта 11 бала.

Денсаулық сақтау

Көкжайық ауылдық округінде 1 дәрігерлік амбулаториясында  халыққа 1 дәрігер мен 6 медициналық қызметкерлер медициналық қызмет көрсетеді. 1 жедел жәрдем автокөлігі бар. 2021 жылы 12 адам ковид ауруына, 13 адам пневмония ауыруына шалдықты. Барлығы 976 адам 1 және 2 вакцинация екпесін алды,  Pfizer - мен 12-17 жас  аралығындағы балалар ата-аналарының рұқсат қағазымен екпе алды. Ұжымдық иммунитет қалыптастыру мақсатында ревакцинация бойынша жұмыстар қарқынды жалғасуда.

                                        Әлеуметтік қорғау

             Округте 18 жасқа дейінгі 4 бала тәрбиелеп отырған  31 отбасы бар, барлығына мемлекеттік жәрдемақы тағайындалған. Аз қамтылған және көп балалы отбасыларға 1 ассистент қызмет көрсетеді. Өткен жылы 12 отбасына, барлығы 72 адамға  мемлекеттік атаулы әлеуметтік көмек тағайындалды. Жалғыз басты  12 қарияға 2 әлеуметтік қызметкерлер  аптасына 4 рет барып көмек көрсетеді. Қоғамдық  ақылы жұмыстарға 4 тұрғын тартылды. «Жастар іс – тәжірибесі» бойынша 1 жас маман жұмысқа қабылданды. Көкжайық ауылының жастары  өз  қаражаттарына Көкжайық  ауылының  мешітін  ағымды  жөндеуден  өткізді.

Мәдениет саласы

1.Көкжайық  ауылындағы  спортзалды ағымды жөндеуден  өткізу.

3.Көкжайық  ауылында  мал  қорымын  іске қосу.

4.Ақ-ой  ауылының  көшелерін  жарықтандыру.

5.Қарамойыл ауылының №1 көшесін  жарықтандыру.

6.Көкжайық  ауылында «Алаш  Орда» көшесін жарықтандыру.

7.Қарағандыкөл  ауылының   жолын  тегістеп, ауыл ішін абаттандыру.

Көкжайық ауылдық округінің әкімі    К.А.Ахметкалиев

Пікір: