2021 жылдың 4 наурызында Самар ауылдық округінің аумағында "Көктем - 2021" Республикалық командалық-штабтық оқу-жаттығуын өткізу шеңберінде ТЖБ басшылығымен Көкпекті ауданының азаматтық қорғау құрылымдарының жеке құрамы мен техникасының байқауы ұйымдастырылды. Сонымен қатар, тактикалық-арнайы оқу-жаттығу шаралары өткізілді.
Оқу-жаттығуға Көкпекті АЭЖ, №51 өрт сөндіру бекетінің, Көкпекті желілік-техникалық учаскесі, аграрлық-техникалық колледжі, Самар полиция бөлімі, ауылдық округ әкімдігінің, Көкпекті ауданының ТЖ бөлімі, Көкпекті ШЖҚ КМК қызметкерлері, - барлығы 16 бірлік техника және жеке құрамның 71 адамы қатысты. Іс-шарада аудан әкімінің орынбасары М.К. Теміржанов болды.
Байқаудан кейін құралым командирлеріне Лайлы өзенінің жағасындағы су басу кезінде төтенше жағдайларды жою бойынша кіріспе тапсырмалар берілді.

Атап айтқанда, апаттық - құтқару жұмыстар тобы суды сорып алып, эвакуацияланғандарды тасымалдады. Коммуналдық қызметкерлер инженерлік техниканың көмегімен жолдарды ашып, инертті материалдарды тасымалдауды ұйымдастырды. Қоғамдық тәртіпті сақтау қызметі эвакуациялық жинау пунктіне көлік колоннасын алып жүріп, төтенше жағдай орнында қоғамдық тәртіпті сақтауды қамтамасыз етті.
Эвакуациялық пунктте барлық іс-шаралар ұйымдастырылды. Оқу-жаттығуды өткізу барысында барлық шұғыл қызметтер жоғары дайындық пен үйлесімді жұмысты көрсетті.
Қазіргі уақытта аудан аумағындағы су тасқыны жағдайы ауданның жауапты қызметтерінің толық бақылауында және жағдай шиеленіскен уақытта алдын алу іс-шаралары уақтылы қабылданатын болады.
Төтенше жағдайлар бөлімі

Пікір: