Сарыбел жеріне келген аудан әкімі Серікқазы Құсайынұлы бірден ауылдың ерекше әсем табиғатын атап өтті. «Мұндай көрікті жерді таза ұстау – сіз бен біздің міндетіміз» - деген аудан басшысы халықтың әлеуметтік жағдайының кей өңірлерге қарағанда жақсы екендігін жасырмады.

Жаңа басшымен кездесуге келген ауыл тұрғындары, қоғамдық кеңестің мүшелері, ардагерлер кеңесі, әйелдер кеңесі әкімнің алдында өздерін толғандырып жүрген бірқатар сұрақтарға жауап алып, өз пікірлерін ашық ортаға салып отырды. Сарыбелдіктердің ең бас-ты мәселесі – ауыл ішінде, округ аумағында басқа қалалардан келгендерге үйлер, демалыс базаларын салып жатқан және сол арқылы мал жайылымына арналған алаңдарды тарылтатын жерлерді ретсіз "тарату" болып табылады. Жергілікті тұрғындар туған ауылдарынан кеткісі келмейді, жеке ауласында мал ұстап, отбасын асырайды. Тұрғындардың айтуынша, біздің ауданымыздың ең әдемі жерінде туризмді дамыту туралы айтқанда, бұл мәселе шын мәнінде дұрыс қарастырылмайтын көрінеді. Көктемнен бастап ауыл-да сиыр бағатын шопан табылған жоқ, дегенмен спикерлер ауылдағы жұмыссыздық мәселесі жөнінде айтқан болатын. Шағын үйде отбасымен бірге тұрып жатқан көпбалалы аналардың бірі әкімдік үш жыл ішінде оған жеке тұрғын үй салу үшін 10 соттық жер бөле алмайтындығына, ал басқа қалалардан келгендерге барлық бос аумақтарды бере салып, жаңа құрылыс салушылардың шұңқырлары балалар мен ересектер жүретін жолдарда орналасқанына өзінің наразылығын білдірді.

- «Қалалықтардың біздің ауылды қалай ластайтындықтарын көру бізге ауыр тиеді, ал біз, ауыл тұрғындары, олардан кейінгі қоқысты жинауға мәжбүрміз. Біз өз жер телімдерімізді шаруа қожалықтарына таратып бердік, қазіргі уақытта ол жерлердің, тіпті кімнің атында екенін де білмейміз. Ауыл ішіндегі жерлердің тәртіпсіз бөлінуін тоқтату керек, егер олар біздің өлкемізде туризмді дамытқысы келсе, бұл ауылдан тыс жерде жасалсын. Бос жатқан аумақтарда басқа демалыс базаларын салу үшін шұңқырлар бар. Түні бойы мазаны алатын музыка, айқай-шу, демалушыларды тыныштандыратын учаскелік инспектор да жоқ. Үнемі ауысады. Біздің жерімізді бөлу кезінде бізден ешкім рұқсат сұрамады. Мұндай қылықтарға енді көз жұмып қарай алмаймыз. Алдағы уақытта жер бөлу жөніндегі комиссия құру қажет, оның құрамына ауыл тұрғындарын да енгізу керек», - деді ардагерлер кеңесінің төрағасы Т.Закиров.
Сондай-ақ, тұрғындар барлық көшелерді жарықтандыру, ауыз сумен қамтамасыз ету, шабындық жерлерді жекешелендіру, әлеуметтік көмек көрсету мәселелерін көтерді.
Аудан әкімі Серікқазы Құсайынұлы тұрғындардың осындай эмоциялық көрінісіне таң қалып, аудан ауылдарына танысу сапары кезінде тұрғындардан шұғыл араласуды қажет ететін көптеген мәселелерді алғаш рет естігенін атап өтті. Округ әкіміне жер бөлу жөнінде ескерту жасай отырып, аудан басшысы ауыл тұрғындарының, содан кейін басқа қалалардан келген азаматтардың өтініштері басымдықта болуы тиіс екенін айтты. «Неліктен жер өз ауылдастарына берілмеді?» деген сұраққа бас жоспар бойынша 130 жоба тілек білдірушілерге таратылды. Жеке тұрғын үй салығына және үйлерге, демалыс базаларына жер бөлу - бұл мүлдем басқа бағыттар, - деп түйіндеді округ әкімі. - Бұл істі нақты анықтау керек! Келесі жылы ауылды жарықтандыруды аяқтап, ауыз сумен қамтамасыз етуді жоспарлап отырмыз. Қатты-тұрмыстық қалдықтар полигонының аумағын бұру үшін ауыл әкімі шешім қабылдауы тиіс.
- Ауыл ішіндегі туризм, демалыс базасының құрылысы туралы мәселе неге бұрын көтерілген жоқ? Бұл мәселе ауыл өміріне қатысты өте маңызды. Ертең мен сіздерге ауыл жайылымы туралы мәселелерді анықтау үшін жер қатынастары, құрылыс бөлімдері, әлеуметтік көмек жөніндегі мамандардан тұратын арнайы комиссия жіберемін. Бұл мәселені шешу үшін туризмді немесе елді мекенді дамыту керек пе? Ауыл ішінде демалыс базаларын салуға қандай негізде рұқсат берілді? Содан кейін толық жиналған ақпараттан кейін, мысалы, сәрсенбіде мәселенің мәнін тағы да талқылаңыз. Ауыл әкіміне жерлестердің сенімін ақтау керек. Тұрғындар дұрыс шешім қабылдайды, олар өз мәселелерін тікелей айтады. Өз тарапымнан, ауыл әкіміне қандай қолдау қажет болса, мен әрқашан мүмкіндігінше көмек көрсетемін, - деді аудан басшысы
Содан кейін Серікқазы Құсайынұлы өзі туралы қысқаша баяндап, өзінің еңбек жолы туралы айтып, халықтың әл-ауқатын жақсарту және ауданның дамуы үшін бар күш-жігерін жұмсайтынын айтты.

ӨЗЕКТІ МӘСЕЛЕЛЕРДІ БІРГЕ ШЕШЕМІЗ
Палатцы ауылдық округінің тұрғындарымен кездесуде ТҮКШ, жолаушылар көлігі және автомобиль жолдары бөлімінің бақылауында болатын су құбыры жүйесінің басты мұнарасын қайта құру мәселелері талқыланды.
- Сіздердің ауылдарыңыздың әлеуметтік-экономикалық дамуы баяу, халықтың демографиясы да айтарлықтай төмен, - деп атап өтті Серікқазы Құсайынұлы.
Палатцы орта мектебінде мектепалды даярлық сыныбымен қосқанда 44 бала бар, өткен жылмен салыстырғанда (27 бала) өсу байқалады. Мектеп сұйық отынмен жылытылады, бірақ ол әлі жеткізілген жоқ. Мектеп директоры С.Теңізбаевтың айтуынша, жеткізушімен жаңа жылға дейін 15 тоннаға келісімшарт жасалған, қалған бөлігі ақшалай қаражаттың түсуіне байланысты шешілетін болады. Осыған байланысты аудан әкімі білім бөлімінің басшысына жылыту маусымына мектепті толық отынмен қамтамасыз ету жөнінде тиісті шараларды қабылдауын міндеттеді.
Ауыл тұрғындары, электр қуатының жиі өшетінін айтып шағымданды, сәйкесінше электр қуаты болмаса, телефон байланысы да өшіріледі. Бұл мәселені шешу үшін Серікқазы Құсайынұлы округ әкіміне қанша рет жарық, байланыс болмағанын есептеп, соның негізінде ТҮКШ бөлімі "Қазақтелеком"-ға хат жолдауды ұсынды. Сонымен қатар, ауылда интернет желісі өте нашар жұмыс істейді, бұл ауыл әкімшілігінің, білім беру мекемесінің қызметі мен жұмысының сапасына әсер етеді.
- Жыл соңында халық алдында есеп беру кездесуіне дейін әр округте даму жоспары, Болашаққа бағдар жасалуы тиіс. Жаңа жылдан бастап ауданның әр ауылында мамандарға арналған үйлер, яғни жалға берілетін тұрғын үйлер салынатын болады. Жақын арада аудандық маслихат сессиясының күн тәртібіне бюджеттік сала қызметкерлері үшін 21 мың теңгеге дейін коммуналдық қызметтер төлемін көтеру туралы мәселе шығарылатын болады. Бұл салада бірге жұмыс істеп, өзекті мәселелерді бірге шешетін боламыз, - деді Серікқазы Құсайынұлы.

ЖАҢА БАСШЫНЫ ЖЫЛЫ ҚАБЫЛДАДЫ
Аудан әкімі С.Қ. Сәдуақасовтың Миролюбовка ауылдық округінің тұрғындарымен кездесуі ауылдың әкімшілік ғимаратының жанында өтті. Өзін жұртшылыққа таныстыра отырып, Серікқазы Құсайынұлы жиналғандардың назарын вирустық инфекцияның алдын алуға, медицина қызметкерлерінің кеңесіне құлақ асуға, санитарлық нормалардың шараларын сақтауға аударды.
Ардагерлер кеңесінің төрағасы С. Телемісов барлық тұрғындар атынан округте жүргізіліп жатқан іс-шаралармен, атап айтқанда, мешіт, су құбыры желісінің құрылыстары туралы баяндап берді. Өз атынан аудан әкімінің жұмысына жақсы бастама, толағай табыстар тіледі. Басқа тұрғындар да осындай пікірде екендіктерін білдіріп, ардагерлер кеңесінің төрағасына толықтай қосылатындықтарын жеткізді.
Ауыл тұрғындары аудан әкіміне право-славиялықтарға арналған кіші шіркеудің қажет екендігін, шағын футбол алаңының салынуын, ауыл әкімшілігінің жанындағы балалар алаңын жаңартылуын, ауылдың келесі басына тағы бір балалар алаңын салу жөніндегі пікірлерімен бөлісті. Аудан басшысы тұрғындарды мұқият тыңдап, тиісті шараларды қолдана отырып, оңтайлы шешім қабылданатындығын жеткізді.
«Ауылдағы бала туу көрсеткішінің жоғары екендігі көңілге қуаныш ұялатады. Ертең ол балалар өседі, мектепке барады, сөйтіп мектептің де жұмысы жанданады», - дейді аудан басшысы. Одан әрі Раздольное ауылында жарықтандырудың аяқталуы, ауылға кіре берістегі арканы ауыстыру және басқа да мәселелер туралы сөз қозғалды.
Сапар соңында Серікқазы Құсайынұлы мешіт ғимаратын аралап, нысанның құрылысын уақытында аяқтап, жақсы күндерде жолығуды тіледі.

Пікір: