Кредиттік тарих – бұл Сіздің қарыз алушының досьесі, онда сіздің барлық кредиттеріңіз және бөліп төленетін сатып алу туралы жазбалар бар. Сіз кредитті қашан және қандай сомаға ресімдедіңіз? Ақы төлеу уақтылы болды ма әлде кешіктірілді ме? Басқа банктерге кредит туралы өтініш жасадыңыз ба? Осының бәрі кредиттік тарих базасына енгізіледі.
Қарызды ресімдеген кезде банк Кредиттік бюродан әлеуетті клиент туралы деректерді сұратады. Кез келген банк клиенттің төлем жасау қабілетіне сенімді болғысы келеді.
Кредит беруден бас тартудың ең көп таралған себебі – кредиттер бойынша мерзімін кешіктіріп төлеу, ол кредиттік тарихта көрсетіледі. Сонымен қоса сізде төленбеген айыппұлдар, алименттер бойынша берешек және т.б. болса, сізге кредит беруден бас тартады.

Агенттік Басқармасының 2020 жылғы 22 наурыздағы № 19 қаулысына сәйкес, 2020 жылғы 30 наурыздан бастап қарыз алушыларда өздерінің жағымсыз кредиттік тарихын түзету мүмкіндігі пайда болды. Кредиттік бюро 90 күннен астам мерзімі өткен берешегі бар (жол берілген) кредитке (банктік қарыз немесе микроқарыз) «қалыпқа келтірілді» деген мәртебе бере алады. Бұл мынадай жағдайларда орын алады:
1. Кредит бойынша берешекті өтегеннен кейін күнтізбелік 12 ай өткен соң;
2. Егер қарыз алушы қайта құрылымдау немесе қайта қаржыландыру күнгі берешек сомасының 50%-дан астамын өтесе және соңғы қатарынан күнтізбелік 12 ай ішінде кредитті қайта құрылымдағаннан немесе қайта қаржыландырғаннан кейін 30 күннен астам мерзімін кешіктіруге жол бермейтін болса;
3. Егер қарыз алушы мерзімі өткен берешекті өтегеннен кейін күнтізбелік 30 күннен астам мерзімге бір жыл ішінде 90 күннен астам мерзімін кешіктіруге жол бермесе.
Осыдан кейін кредиттік бюро кредиттік есепте мерзімі кешіктірілген күндер саны нөлге тең деп көрсетеді. Мерзімінің кешіктірілгені кредиттік есепте кредит қайта құрылымдалған немесе қайта қаржыландырылған кезде және кредит қайта құрылымдалған немесе қайта қаржыландырылған күннен кейін туындаған, мерзімі кешіктірілген күндер саны ғана көрсетіледі.
Кредиттік тарихты бүлдіру оңай, ал қалпына келтіру өте қиын екендігін есте сақтаңыздар!
Егер Сізде сұрақтар туындаса, Өскемен қаласындағы өңірлік өкілдері басқармасына келесі телефондар арқылы хабарласа аласыз: 8-7232-56-06-71, 8-7232-56-06-72, 8-7222-60-10-53. Қаржылық сауаттылықты www.fingramota.kz-пен бірге арттырыңыздар!

Пікір: