Көкпекті ауылындағы тігінші Жанна Жабекова қолмен тігілген мата маскаларын шығаруды іске қосты. Дәрі-дәрмектің тапшылығы сезіліп отырған бүгінгідей жағдайда бұл бастама тұрғындар үшін де игілікті іс болып отыр.

Ауданымыздың көптеген тұрғындары Жанна Берікбекқызын қолөнер шебері ретінде біледі. Оның жұмсақ ойыншықтарды тігумен айналысатын шағын тігін цехы бар. Бірақ қазір сүйікті мультфильмдердің кейіпкерлерін жасаудың орнына, маскаларды тігуге басты назар аударады. Оның айтуынша, бірінші даналары наурыз айының басында тұрғындар өтініші бойынша тігіле бастапты.

Қазір Жанна ұйымдармен де, бөлшек сатып алушылармен де жұмыс істейді. Бір күнде шамамен 20 бетперде сатылады.

- Мен мекеме қызметкерлері мен қатар, барлық тұрғындар үшін бірнеше рет қолданылатын мас-калар оңтайлы деп санаймын, өйткені оларды әр үш сағат сайын жаңасына ауыстырудың қажеті жоқ. Адамдар өздерін медициналық маскаларды таққанға қарағанда жайлы сезінетін айтады.

Жанна шебердің қолынан шыққан маскалар ерекше. Олар қарапайым бетперделерге қарағанда үлкенірек әрі сыртқы ортадан толық қорғау үшін тығыз етіп тігілген.
- Пішіні ыңғайлы — үстіңгі жағында бетперде тығыз жабысуын қамтамасыз ететін фиксатор бар, дегенмен ол қолданушының сөйлеуіне немесе тыныс алуына кедергі келтірмейді, - деп нақтылайды қолөнер шебері.
Бұл бұйымдарға сұраныстың тағы бір себебі - олардың стандартты емес дизайны. Жанна Берікбекқызы жарқын және стильді көрінетін маталарды таңдайды. Осы маскаларды қолданатын ересектер мен балалар тек қорғалып қана қоймай, өзіне және айналадағыларға жағымды көңіл-күй сыйлайды.
Қолөнерші цехының мекенжайы: Көкпекті ауылы, Лермонтов көшесі, 20. Байланыс телефоны: 8-708-197-10-08.

Виктория ГАРМАШОВА

Пікір: