Ағымдағы жылдың 27 ақпан күні аудан әкімі А.Смайылов Самар ауылының азаматтарын қабылдады. Негізінен өтініш берушілердің өтініштері әлеуметтік сипаттағы, яғни тұрғын үй, материалдық көмек, атаулы әлеуметтік көмек мәселелеріне қатысты болды. Бұл күні аудан басшысының қабылдауында барлығы 9 адам болды,оның ішінде төртеуі көпбалалы аналар. Барлығын алаңдатқан – баспана мәселесі.
Тұрғын үй алуға өтініш білдіргендердің мәселесіне баса назар аудара отырып, Асхат Сайдахметұлы аудан бойынша жалпы тұрғын үй мәселесі, тұрғын үй алу кезектілігінің тәртібі туралы егжей-тегжейлі түсінік берді. Аудан әкімі Самар ауылындағы иесіз пәтерлер мәселесін шешуді ерекше бақылауға алды. Бүгінгі таңда ауылда 10 пәтер бар, олардың меншігін шұғыл түрде, қажет болса сот органдары арқылы анықтау тапсырылды. Тұрғындарға бастысы баспана берілсе, жөндеу жұмыстарын өздері жүргізуге дайын.
Тұрғын үй мәселелерімен қатар, өтініш берушілер балаларға, ауру туыстарын емдеу үшін материалдық көмек көрсетуді сұрады. Барлық азаматтардың материалдық көмек, атаулы әлеуметтік көмек беру бөлім басшысының жұмыспен қамту және әлеуметтік бағдарламалар бөлімі" Қ.Мұқышевке жүктелді.

Аудан әкімінің қабылдауы аяқталғаннан кейін Қанат Ермекұлы әр өтініш берушімен жеке әңгімелесіп, толғандырған мәселелер бойынша түсініктеме берді, аудандық комиссияның қарауына материалдық көмек туралы өтініш қабылдады.
Аудан әкімі әрбір өтінішпен мұқият танысып, әр мәселе бойынша тиісті түсініктемелер берді. – Тез арада шешімін табатын мәселелер оны қисынды аяқтағанға дейін ерекше бақылауда болады. Бірде-бір өтініш назардан тыс қалмайды. Мүмкіндігі шектеулі жандарға көмектесуге тырысамыз, - деді аудан басшысы.
Кездесу соңында аудан әкімі ауылдық округ әкімдерінен, бөлім басшыларынан әр ауылдың әлеуметтік картасын жасауды талап етті.

Пікір: