Облыс әкімі Даниал Ахметовтың мұрындық болуымен бастау алған «Менің мектебім» акциясы жалғасуда. «Рухани жаңғыру» бағдарламасы аясындағы акцияның басты мақсаты мектептерді Назарбаев интеллектуалды мектебінің стандарты бойынша модификациялық кабинеттермен жабдықтау.
- Жаңа модификацияланған кабинеттерді және жаңа құрылғыларды әкелу үшін аудандағы орта мектептердің дайындығы 1 мамырға дейін толық аяқталды. Қазіргі күні 7 толық кешенді мектептерге роботты техника кабинеттері үшін 42864,5 мың теңгеге құрал-жабдықтар жеткізілді. Патриоттық акцияға ауданның барлық кәсіпкерлері мен елжанды азаматтары үлестерін қосты. Әрбір мектеп түлектерімен жұмыс жасап жатыр. Жаңа оқу жылын ауданның 7 толық кешенді мектебі 10 модификациялық кабинеттермен бастайды, - дейді сеніммен білім беру бөлімінің басшысы Шолпан Нұрғазықызы.

Облыс көлемінде іске асырып жатқан акцияға мемлекеттік қызметкерлер де сүбелі үлес қосты. Аудан әкімі Асхат Смаиловтың бастамасымен әкімшіліктің мәжіліс залында қаражат жинау акциясы ұйымдастырылды. Ауылдық округ әкімдері мен дербес бөлім басшылары, мекеме және ұжым жетекшілері атсалысқан акцияны Асхат Сайдахметұлы өз бастап, қорға қомақты қаржы жиналды. Бір күндік акцияның нәтижесінде «Парыз» қоғамдық қорының есебіне 1 миллион теңгеден астам қаражат құйылды.

Пікір: