Құрметті құрылыс саласының қызметкерлері және ардагерлері!
Сіздерді осы аптада аталып өткен кәсіби мерекелеріңізбен шын жүректен құттықтаймыз. Алдағы уақытта да тың табыстарға жете отырып, абыройларыңыздың арта беруіне тілектеспіз!
Құрылыс саласы қоғамдық өміріміздің күрделі әрі кешенді жүйесі, ал құрылысшы құрметті де мәртебелі мамандық екендігін өмір өзі дәлелдеп келеді.
Елордамыз Астана еліміздің осы заманғы жедел өсіп келе жатқан ірі қаласына және Еуразия кеңістігіндегі үлгілі астанаға айналуы, мемлекетіміздің әлеуметтік-экономикалық дамуының деңгейін көрсетеді. Ал, өңірімізде жүргізіліп жатқан құрылыс-монтаж жұмыстары өңір экономикасының көтеріліп келе жатқандығын аңғартады.

Елбасымыз Нұрсұлтан Әбішұлы Назарбаев елімізде құрылыс саласын дамытуға, құрылысшылардың қарқынды еңбегін қамтамасыз етуге тұрақты назар аударып келеді. Бұл қазақстандықтардың осы заманғы әлеуметтік сұранысын қанағаттандыруға бағытталған үлкен міндеттен туындайды. Азаматтарымыздың сұранысы мен қажеттілігі басты бақылаудан түскен емес. Жекелеген тұрғындар да жаңадан жер телімдерін алу арқылы тұрғын үйлер тұрғызуға күш салуда. Осының бәрі ауданымызда құрылыстың қарқынды жүргізіліп жатқандығын, құрылысшылардың аянбай еңбек ете білетіндігін көрсетеді. Сол себептен, құрылысшыларымызға төл мерекесі қарсаңында дән ризашылығымызды білдіреміз.
Әрине, қандай құрылыс болсын орасан зор еңбекті қажет етеді, ол Сіздердің жасампаз еңбектеріңіздің жемісі. Аймақтың экономикасына қосып отырған үлестеріңіз үшін сіздерге шын жүректен алғыс айтамыз.
Құрметті құрылысшылар!
Кәсіби мереке қарсаңында Сіздерге зор денсаулық, бірлік пен ынтымақ, отбастарыңызға амандық және атқарып жатқан жұмыстарыңыздың жемісті болуын тілейміз. Мерекелеріңіз құтты болсын!

Р.Сағандықов, аудан әкімі
Т.Сарманов, аудандық мәслихат хатшысы

Пікір: