2016 жылдың 4 мамырында Самар ауылында Қазақстан Республикасы Парламенті Мәжілісінің депутаты И.С.Унжакова болып, аудан активімен кездесу өткізді.
Аудан әкімі Р.Сағандықов жиналған қауым атынан Ирина Сергеевнаны ҚР Парламентінің төменгі Палатасына біздің облыс сайлаушылары атынан депутат болып сайлануымен құттықтап, еңбегіне табыс тіледі.

И.С.Унжакованың бұл кездесуге келудегі мақсаты – ел өңірлерінде қате пікірде қабылданған Қазақстан Республикасының жаңа жер Кодексін түсіндіру болды.
Кездесу барысында депутат өзгерістер енгізіліген Жер кодексін Елбасы Н.Назарбаев ұсынған «100 нақты қадам» Ұлт бағдарламасына сүйене отырып слайдтармен көрсетті. Мысалы, 35-қадам – «Ауылшаруашылық жерлерін тиімді пайдалану мақсатымен оларды нарықтық айналымға енгізу. Жер Кодексіне және басқа да Заң актілеріне өзгерістер енгізу», 97-қадам. Өзін-өзі реттеу мен жергілікті өзін-өзі басқаруды дамыту арқылы азаматтардың шешімдер қабылдау үдерісіне қатысу мүмкіндігін кеңейту. Мемлекетке тән емес қызметтерді бәсекелестік ортаға және өзін-өзі реттеуші ұйымдарға беру. Үкімет мемлекетке тән емес және басы артық қызметтерді қысқарту есебінен неғұрлым ықшам бола түседі», - делінген.
Жиналғандардың назарын осы құжаттарға аудара отырып, Ирина Сергеевна халыққа кең ауқымда тарауға тиіс ең басты пікірді атап өтті - ол жерді тек қазақстандықтардың, еліміздің бас-ты байлығы - адамдарының сатып алуын ынталандыруға бағытталатын жұмыс.
– Таяу болашақта, бүкіләлемдік қауымдастық азық-түлік тапшылығы қауіпсіздігі мәселесімен тоқайласатын болады, сондықтан да біз бұған дайын болып, өзіміздің қорларымыз бен ресурстарымызды дайындауға тиіспіз, - деп атап өтті Ирина Сергеевна. Әрі қарай депутат Жер Кодексінің сандық статистикасын бейнелейтін слайдтарды көрсете отырып, жер қатынастарын реформалау мен себептерін, аукционға, конкурсқа қатысу және басқа да мәселелерге тоқталды.
Өзара сұхбат әрі қарай жер сатып алу жөніндегі мәселені қызу талқылауға алмасты. Аудан аграрийлері атынан сөз алған Е.Дүсіпов («Дүсіпов» ШҚ) ауылшаруашылығы құрылымдары мемлекеттен жер сатып алуға дайын емес, өйткені оларда қаражат жоқ деді. «Шаруалар «қысқа жіп күрмеуге келмейді» деген сыңайда өмір сүріп отыр, өйткені, техника, қосалқы бөлшектер, ЖЖМ күн өткен сайын қымбаттап барады, ал дәнді дақылдар мен майлы дақылдардың түсімін сатып алу бағасы бірнеше жыл бойы көтерліген емес», - деді Ержан Қабдығалиұлы.
Аудандық Кәсіпкерлік палатасы филиалының директоры Ә.Мұқашева жаңа заңнамада айтылмаған жеңілдікпен несиелеу мәселесін көтерді. Ауылдық округ ардагерлер кеңесінің төрағасы А.Садықов жергілікті атқарушы биліктің тұрғындар арасында жер қатынастарын реформалау жөнінде түсіндіру жұмыстарын өте сылбыр жүргізіп отырғанын, оны тез арада жандандыру қажеттігін айтты.
Ауылдықтардың осы кездесу барысында көтерген барлық мәселелері мен ескертулерін депутат И.Унжакова бақылауға алып, кездесу қорытындысында туындаған мәселелердің жүзеге асуына ықпал етуге уәде берді.

Қанат АПСАДЫҚОВА

Пікір: