Көкпекті ауданының жергілікті атқарушы органдарының жұмысы мемлекеттік бағдарламаларды, Елбасы мен Қазақстан Республикасы Президентінің стратегиялық тапсырмаларын тиімді жүзеге асыруға бағытталған.

2020 жыл бәріміз үшін қиын жыл болды, коронавирустық пандемия дәстүрлі түрде қалыптасқан жұмыс форматтарына жаңа талаптар қойды. Қойылған міндеттерді шешу әдістеріне уақытылы келу, аудандағы тұрақты экономикалық және әлеуметтік жағдайды ұстап тұруға мүмкіндік берді.

2020 жылдың қорытындысы бойынша Көкпекті ауданында әлеуметтік-экономикалық дамудың негізгі көрсеткіштерінің оң серпіні байқалады (өнеркәсіп өндірісінің көлемі, негізгі капиталға инвестициялар көлемі, құрылыс жұмыстарының көлемі, тұрғын үйді пайдалануға беру, меншікті кірістер бойынша).

Көкпекті ауданы облыстық маңызы бар қалалар мен аудандардың әлеуметтік-экономикалық даму динамикасы бойынша ішкі аймақтық талдауында 2020 жылдың қаңтар-желтоқсан айларындағы рейтингте  1-орынды иеленді.

- 2021 жылдың 1 қаңтарына өндірілген өнеркәсіп өнімінің көлемі 3 984,6 млн.теңгені құрады, өткен жылдың сәйкес кезеңіндегі өсім қарқыны - 82,5%-ды құрады (2019 ж. – 4 832,5 млн. теңге). Нақты көлем индексі - 119,1% - ды құрады.

20 қаңтар күні аудандық әкімшілік ғимаратындағы «Ашық әкімдік» кеңсесінде кезекті брифинг өтті. Бұл жолы Аққала ауылдық округ әкімі Берікбол Чакербекұлы Мукушев бұқаралық ақпарат құралдары өкілдерімен кездесті. Округ әкімі әлеуметтік-экономикалық даму жағдайы туралы баяндама жасап, тілшілер тарапынан қойылған сұрақтарға жауап берді.
Аққала ауылдық округі аудан орталығының шығысында 50 шақырым қашықтықта орналасқан елді мекен. Округте үлкенді-кішілі 4 ауыл бар. Олар: Аққала, Жаңажол, Қараөткел, Қойтас ауылдары. Округ орталығы - Аққала ауылы. Осы елді мекендерде 302 аула бар. Бүгінгі күні 1127 адам тұрады, экономикалық белсенді халық саны - 583. Негізінен округ тұрғындары мал шаруашылығымен шұғылданады. Жалпы округ бойынша биылғы жылға 45 шаруа қожалығы, 3 жауапкершілігі шектеулі серіктестік тіркелген.