Аптаның алғашқы жұмыс күнінде аудан әкімі Ділдәбек Оразбаев аудан орталығы Көкпекті ауылында арналасқан бірқатар мекемелер мен әлеуметтік нысандарды аралап, бүгінгі тыныс-тіршілігімен танысты. Аудан әкімі орынбасарларына, ауылдық округ әкімі Қайрат Алғазыұлына, жауапты бөлімдер мен қызмет басшыларына аудан орталығын көркейту және абаттандыру бойынша бірқатар шұғыл тапсырмалар жүктеді.

- Аудан орталығын абаттандыру бойынша шұғыл шаралар қабылдау қажет. Бүгіннен бастап абаттандыру және көгалдандыру жұмыстарын жандандыруды қолға аламыз, - деп кесіп айтты Ділдәбек Тәжібайұлы.
Коммуналды шаруашылық базасында техника паркімен танысып, жай-күйін көрді. Қолдануға жарамсыз, істен шыққан ескі техникаларды теңгерімнен шығарып, іске жарамдысын жөндеуден өткізу туралы тапсырма берілді. Коммуналды шаруашылық жұмысының негізгі бағыты халықты сапалы ауыз сумен қамтамасыз ету қызметі. Ауданда жаңадан салынған су құбыры желілерін күтіп ұстау, әрбір тұрғын үйге таза су кіргізу сынды ауқымды міндет жүктелді.

По согласованию с Администрацией Президента  Республики Казахстан и районным маслихатом распоряжением акима области Абай акимом Кокпектинского района назначен Оразбаев Дильдабек Тажибаевич.