Мемлекет басшысының Жарлығымен Президент жанын-дағы Әйелдер істері және отбасылық-демографиялық саясат жөніндегі ұлттық комиссияның ұйымдастыруымен қолға алынған дәстүрлі «Мерейлі отбасы» ұлттық байқауы Көкпекті ауданында өз мәресіне жетті.
Әрбір жарасымды отбасының арқасында мемлекет нығайып, дамиды, халықтың әл-ауқаты өседі. Сонымен қатар, жанұядан толық сүйіспеншілікке бөленіп өскен, бала үлкен өмірге ерекше құнды қасиеттермен аяқ басып, есейіп ержетеді. Отбасы күнін ұлықтаған шара өткен жұма күні аудан орталығында Қ.Алтынбаев атындағы мәдениет үйінде «Мерейлі отбасы» тақырыбында орын алды.

Биылғы жылғы шөп шабу науқаны пішеншілер үшін біршама қолайлы. Көктемнен бері ылғал мол түсті. Күн де ыстық емес. Шабындықта шөп жайқалып өсіп тұр. Тірлігі төрт түлік мал күтімімен ұштасқан, әрбір күні игі еңбек қамына ұласқан ауыл шаруасы жайма-шуақ жазда өз қыстағына шөпті молырақ үйіп алуды мақсат етеді. Оған шабындықтағы өнімділік деңгейі септесуде. Шөп шабу науқанына әрбір ауыл тұрғыны, серіктестіктер мен шаруа қожалықтарының пішеншілері білектерін сыбана кірісті. Олар табиғаттың сы-йын жинап алып, қыстан қысылмай шығуды көздеуде. Солардың бірі – үл-кенбөкендік қарапайым тракторшы Талғат Жәнібек. Талғат 2009 жылы қазақ жеріне оралған қандастарымыздың бірі. Атамекеніне табан тіреген жас жігіт, бірден еңбекке араласып кетті. Ол сол жылы трактор сатып алып, шөп шабу, тасу жұмыстарымен айналыса бастады. Трактордың құлағында ойнайтын Талғат ауылдастары арасында да сыйлы. Үлкенбөкен көшелеріне бойлап өскен шөптерді шабуға, яғни ауылды аббаттандырға ат салысып тұрады.