07 Ақпан 2024

Смаилова Клара Рафиковна - мемлекеттік қызмет ардагері

Article Details

Мемлекет басшысы Үкіметтің кеңейтілген отырысында әлеуметтік салаға айрықша назар аударған жөн екенін атап өтті. Өз сөзінде Президент әлеуметтік көмектің кімге және қалай берілетінін түгел қайта қарау қажеттігін айтты. Иә расымен де соңғы кездері, жағдайы жақсы бола тұра, тұратын үйі, тіпті, астында қымбат көлігі бар азаматтар көмекке мұқтаж жандармен қатарлас әлеуметтік көмек алып жүргендігін байқаудамыз.
Шынымен де Президентіміз өте өзекті мәселені қозғап отыр. Себебі Әділетті Қазақстанды құрудағы бұл өте маңызды қадамдардың бірі деп білемін. Әлеуметтік қызмет саласының мамандарына алдағы уақытта бұл мәселені дұрыс зерделеп, шынымен де көмекке мұқтаж жандарға қолдау көрсетуі тиіс.

Read more

Қағазбастылық, көзбояушылық дегенді доғару қажет

Article Details

“Мемлекеттік аппарат барынша тиімді және үйлесімді жұмыс істеуі керек. Қағазбастылық, көзбояушылық дегенді доғару қажет. Осындай жағымсыз үдерістердің кесірінен жұрттың реформаға және Әділетті Қазақстанға деген сенімі азаяды. Жоғарыдан тапсырма берілгенін, азаматтардан арыз түскенін немесе жағдайдың нашарлап кеткенін күтіп отырмау керек. Бастама көтеріп, дербес жұмыс істей білу қажет”, – деді Президент.
Бұл ендігі күнде бірін-бірі қайталап жататын бақылауда тұрған сансыз көп қағаздың азаярына әкелсе қуантарлық жай. Келген құжатты ғана мерзімінде орындап, оны бақылаудан шығарып тастап қана отыратын мамандар - енді өзінің тікелей лауазымындағы міндеттерін лайықты атқарады деген сенімдеміз. Қағазбастылық пен бюрократияның тамырына шабылатын балтадай - бұл талап.

Қайрат Малғаждаров

Read more

Слямбек Мұқашев - аудандық қоғамдық кеңес төрағасы

Article Details

Мемлекет басшысы Қасым Жомарт-Тоқаев Үкіметтің кеңейтілген отырысында еліміздің  алдағы уақытқа арналған негізгі міндеттерді айқындап берді.  Ауылшаруашылығы саласының ардагері ретінде Президентіміздің аграрлық секторға ерекше тоқталып, ауылшаруашлығы саласының дамуына тежегіш болып тұрған кедергілерді атап өткені көңілімде қуаныш ұялатты. Үкіметке Көктемгі егіс науқанына және күзгі жиын-терінге жеңілдікпен берілетін несиені 1,5 триллион теңгеге дейін арттыру , ал инвестициялық жобаларға бөлінетін жеңілдетілген несиені 800 миллиард теңгеге жеткізу бойынша тапсырма берді. Бұл ауылдық жерлердегі ауылшаруашылығы саласымен өз күнін көріп отырған шаруаларға үлкен мүмкіндік және үлкен көмек.   Мемлекет Басшысының бұл бастамасын уақытылы және орынды. Ал енді біз, ауылшаруашылығы саласындағы азаматтар мемлекет тарапынан осындай қолдау болғандықтан, білек сыбана жұмыс істеуіміз керек.

Read more

Ақшабаева Гүлбарам Майлыбайқызы мемлекеттік қызмет ардагері

Article Details

Мемлекет басшысы Қасым-Жомарт Тоқаевтың Үкіметтің кеңейтілген отырысындағы сөзімен таныстым. Мемлекет басшысы егемен еліміздің тұрақты дамуын қамтитын, барлық салаға тың серпін беретін, халқымыздың игілігін көздейтін шынайы іс-жоспарлармен таныстырып, Үкіметке бірқатар нақты тапсырмалар жүктеді.
Президенттің атап өткен мәселелері ішінде көпшіліктің көкейінде жүрген "Мемлекеттік сатып алу" мәселесіне тоқталғым келеді. Қазіргі таңда барлық мемлекеттік органдар бір затты не болмаса белігілі бір қызмет алу үшін мемлекеттік сатып алу порталы арқылы жүзеге асырады. Алайда кейбір жағдайда, әсіресе құрылыс саласында мемлекеттік сатып алу жеңімпазы болып жосықсыз кәсіпкерлер танылып, көптеген қиындықтар тұғызуда. Мысалға құрылыс саласында ешбір техникасы не қажетті мамандары жоқ фирмалар мемлекеттік сатып алу жеңімпазы болып, құрылыс бастамай, құрылысты бастаса сапасыз жасап жатады. Бұл ретте, жосықсыз болып танылған кәсіпкерлерге қатаң шара қолдану қажет. Осы орайда, Мемлекет басшысының "Мемлекеттік сатып алу" туралы Заңына жетілдіру туралы бастамасын толық қолдаймын. Бұл шешім дер кезінде қабылданып жатқан шара.

Read more