11 Маусым 2014

ӨНЕРЛІНІ ӨРГЕ ӨРЛЕТКЕН «ӨНЕР» МЕКТЕБІ

Article Details

Ауданымыздың өнерлі де жігерлі жас таланттарын шыңдайтын Өнер мектебі 23 мамыр күні Көкпекті ауылындағы Қ.Алтынбаев атындағы  Мәдениет үйінде шығармашылық концертін жұртшылық назарына ұсынды. Шара барысында қолданбалы қолөнер, бейнелеу өнері үйірмелерінің жұмыстары бойынша көрме ұйымдастырылды. Көрмеге «Қолданбалы өнер» және «Бейнелеу өнері» үйірмелерінің жұмыстары қойылды. Іс-шараға өнер мектебінің ұжымы белсене қатысып, әр үйірме жетекшілері жыл бойына істеген жұмыстарының нәтижелерін көрсетті. Мектеп қабырғасында алған тәлімін талантымен ұштастырған талапты өнерпаз өрендердің өнерлері көрермендер тарапынан зор қошеметке ие болды. Атаулы шара аудандық өнер мектебінің 2013-2014 оқу жылын қорытындылау мақсатында ұйымдастырылған болатын.

Концерт бағдарламасы барысында балалар хорының орындауында  Шаинскийдің «В траве сидел кузнечник» және  Д.Бахоровтың «Халайық» әні орындалды (жетекшісі Турлыбаева З.С.), домбыра оркестрінің орындауында халық күйлері - «Жастар биі», «Сарыарқа» тартылды. Оқушы Н.Келербекова Енсеповтың «Шашу» күйін орындаса, «Домбыра триосы» «Түрікмен күйін» халыққа ұсынды. Ал, Ә.Қалиакпаровтың орындауындағы «Төремұрат» күйі мен фольклорлық ансамбльдің орындауындағы «Попурри» (жетекшісі Бақыт Шекеновна), домбыра үйірмесінің жетекшісі Қ.Ахметқалиеваның шәкірттері орындауындағы Желдібаевтың «Еркесылқым» күйі көрермен көпшіліктің ыстық ықыласына бөленді.

Сонымен қатар, концерттік кеште Самар ауылындағы «Балалар музыкалық қуыршақ театрының» (жетекшісі Е.Труханова) орындауында «По ниточке», «Про корову» театрлық қойылымы, «Шашбаулым» би үйірмесі (жетекшісі М.Клейн) оқушыларының орындауында италия биі «Тарантелла», «Сосед» ән мен би, күлкілі би «Казачок», «Барбарики» биі жоғары дәрежеде паш етілді. Би костюмдері жұртылықтың ерекше қошеметіне бөленді. Фортепиано сыныбы оқушыларының өнері (жетекшісі З.Тұрлыбаева), Көкпекті ауылындағы қолданбалы өнер үйірмесінің тіккен әртүрлі костюмдерінен «Дефеле» (костюмдер парады) жұртшылықтың назарына ұсынылды (жетекшісі С.Жаркимбаева). Вокал үйірмесінің жетекшісі Н.Шапатовтың оқушылары Калиакперова Арна, Алдажума Нұрәли, Оразкен Арман нақышына келтіре ән шырқап, көрерменнің көзайымына айналды.

Балалардың шығармашылық жұмысын көрсету іс-шарасын  тәрбие ісінің меңгерушісі Ш.Таныбаева ұйымдастырды.

Шығармашылық концерт соңында Балалар өнер мектебінің директоры С.Оразғұлова құттықтау сөз сөйлеп, өнерімен көзге түскен өрендерге мақтау қағаздарын табыстады.

Талай өнерлі баланың талаптарын шыңдай, қанаттарын қатайта түскен ауданымыздың Өнер мектебінің әрқашан мерейі үстем болсын. Осында білім алған жас өнерпаздар ұлағатты ұстаздарынан озық түсіп, өнерлерін туған өлкеге, дөңгеленген төрткүл дүниеге таныта жүрсін.

Арайлым МИРАТҚЫЗЫ

Read more

ШОМЫЛУ МАУСЫМЫ БАСТАЛДЫ

Article Details

2014 жылдың жаз айлары басталысымен Көкпекті ауданына қарасты жазғы демалыс лагерлерінде 15 маусымнан демалыс кезеңі ашылады. Демалыс маусымының ашылуымен қатар өзенге суға шомылытын уақытта басталуы шарт. Новостройка ауылындағы «Балауса-Көкпекті», Мойылды ауылындағы «Таусамалы», Миролюбовка аулындағы «Достық», Көкжыра ауылындағы «Жас Өркен», Сарыбел аулындағы «Жас толқын» балажайлары балдырғандарға есіктерін айқара ашып, өз жұмыстарын бастайды. Көкпекті ауданы аумағында ерекше жасақталған суға шомылатын жерлер жоқ. Осыған орай, су жағалауларына демалысқа баратын адамдар өте сақ болып, ұсақ балаларын қараусыз қалдырмауын қатаң ескертеміз. Былтырғы 2013 жылы 3 ересек, 1 бала суға кеткені туралы мәлімет бар. Оқыс оқиғаларды болдырмау мақсатында келесідей шарттарды сақтауды ескертеміз:

1. Суға түскенде таныс емес жерледе жағадан суға секірмеу,

2. Ағынды, иірімді суларға түспеу,

3. Қолдан жасалған жүзу құралдарын пайдаланбау,

4. Ішімдік ішіп суға түспеу, балаларды қараусыз қалдырмау.

Сонымен қатар, кәсіби балықшыларға балық аулауға шыққанда қауіпсіздік құралдары мен аспаптарын сайлап шығуды естен шығармауды ескертеміз. Демалыстың қайғылы оқиғаларға әкеп соқтырмауы үшін суда жүзу, тусу ережелерін мұкият сақтауға шақырамыз.

Қ.Әңкебаев, аудандық

ТЖ және АҚ жөніндегі бас маман

Read more

ЕҢБЕКТЕРІҢІЗ ХАЛЫҚ КӨҢІЛІНЕН ШЫҚСЫН

Article Details

Ойланып қарасаң, күллі байлықтың барлығы да не ақша, болмаса таудай үйілген алтын емес, деннің саулығы ғана. Сол себептен де, басымыз ауырып, балтырымыз сыздай қалса, ем іздеп алдына бара қалатын дәрігерлер қауымының қоғамдағы орны ерекше. Бүгінгі күні еңбек етіп жатқан дәрігерлер мен медбикелер де ғасырлар бойы келе жатқан ұлы мамандықты жалғастырушылар. Сондай дәрігерлер мен медбикелердің бір легі Самар ауылындағы ауданаралық ауруханада жұмыс істейді.

Жоғары білікті дәрігерлер Г.Шапатова, В.Резникова, В.Сиковая, С.Смағұлова отыз жылдан артық еңбек етіп келе жатса, олардың ізін ерлі-зайыпты Зиядановтар, Асылгүл Хасам, Т.Мұқажанова, Г.Мешелова, С.Жұмажанов және басқалары басып келеді. Кеше ғана «Гиппократ антын» беріп қатарға қосылған, мемлекеттік «Дипломмен ауылға» бағдарламасы бойынша келген дәрігерлер И.Байзақова, Д.Ізғұттынов, Ш.Әбдіқайымов, А.Ізғұттынова, Л.Халелова, А.Стукачева болашағынан үміт күттіреді. Олар өздерінің алған білімдерін барынша сарқа жұмсауға тырысуда. Білмегендерін алдыңғы буын аға-апайларынан үйренуден жалықпайды.

Науқастарды емдеуде ең маңызды орын алатын адам, дәрігер мен науқастың арасын жалғастырушы, өзінің тек ем-домымен ғана емес, жылы сөзімен де жылылық нұрын шашатын адам - медбике.   Р.Солтанбекова, Е.Габербуш, Б.Тасылбаева, Г.Өмірзақова,  Г.Чукотаева, Б.Оралова, О.Прищепина, Ж.Аманова, Н.Ақашева, Г.Шайырғазина, Л.Ғалиева, Ә.Таранова және басқа медбикелер кезінде осы аурухана алғаш ашылған жылдары жас маман ретінде табалдырығын имене аттаған еді. Енді, міне, өздері біреуге ақылшы, көпті көрген, кез келген уақытта жаны қысылған науқасқа білікті көмек көрсете алатын жандар. Олардың соңынан еріп келе жатқан жас медбикелердің өздерін қазір сақа мамандар деуге келіп қалды. Ал ең жастары былтыр ғана медбикелік білім алып, жұмысқа орналасқан Ж.Сыдықова, Н.Фибих, Д.Иматулина, Д.Файзулина.

«Ақ желеңді абзал жандар» деген сөз тіркесі тек медицина қызметкерлеріне ғана таңылып айтылады. «Көкпекті аудандық ауданаралық аурухана» КМК ұжымында нағыз осы атаққа лайық адамдар жұмыс істейді. Осындай үлкен ұжымды өзі жас болса да, дәрігерліктің ғылыми жолын да игеріп келе жатқан білікті маман Саят Замамбекұлы Таңатаров басқарып отыр. Мерекелеріңіз құтты болсын, адам өмірінің сақшылары. Еңбектеріңіз еленіп, атқарған істеріңіз халық көңілінен шыға берсін.

Клара НҰРПЕЙІСОВА

Read more

ПАТРИОТТЫҚ МЕРЕКЕ АТАЛДЫ

Article Details

1992 жылдың 4-ші маусымы күні еліміздің мемлекеттік рәміздері қабылданып, содан бері бұл күн Қазақстан Республикасының мемлекеттік рәміздері күні ретінде аталып келеді.

Ту, Елтаңба және Әнұран мемлекеттің негізгі рәміздері болып саналады. Рәміздер - тәуелсіз елдің намысы, ел рухын әуелетер қозғаушы құрал. Бүгінде рәміздер күні республика бойынша аталып өтуде. Мерекелік іс-шара Самар қарттар үйін де айналып өткен жоқ. Осы мекемеде «Мемлекеттік рәміздер - тәуелсіздік белгілері» атты мереке өтті. Алғашқы ретте әлеуметтік қызмет көрсету мамандары А.Чкартова,  Ж. Рахимбекова, Ж.Раева, Г.Шотанова, Р.Сейтқамзина қарттар үйінің тұрғындарымен бірге көк байрағымызға бас иіп, әнұранды орындады. Шара барысында рәміздеріміз жайлы толық мағлұматтар беріліп, рәміздердің тәуелсіз еліміз өмірінде алатын орны кеңінен насихатталды. Мемлекеттік рәміздерге байланысты викториналық сұрақтар қойылып, қарттар үйінің тұрғындары бар ынталарымен жауап беріп, лайықты сыйлықтарына ие болды. Осы мекеменің қызмет алушысы Л.Куликова өз шығармашылығынан «Қазақстан», «Мама» өлеңдерін оқыды. Сондай-ақ, Самар қарттар үйінің «Атамекен» вокалдық тобы мен Д.Самарина «Атамекен», «Қазақстан - қыран далам» «Сильные люди» сияқты патриоттық әндерден шашу шашты. Шараға қатысушылар патриоттық әндерден қуат алып, ерекше сезіммен тарасты. Мемлекеттік рәміздер күні - әрбір қазақстандықтың патриотизмдік рухы мен елі үшін мақтаныш сезімін оятатын мерекеге айналды.

Ә.Құдагелдинова, Самар қарттар үйінің

әлеуметтік қызмет көрсету бойынша маманы

Read more

БАРЛЫҚ БАҒЫТТАР БОЙЫНША БЕЛСЕНДІ ЖҰМЫС ҚАЖЕТ

Article Details

9 маусым күні аудан әкімінің төрағалық етуімен аппараттық кеңес отырысы өтті. Оның барысында «Білім беру мекемелерінің ережелері туралы» ҚР Үкіметі Қаулысының іске асырылуы, облыс әкімі жүлдесіне арналған Халықтық ойындарға дайындық жұмыстары мен ауданның әлеуметтік-экономикалық дамуының жоспарлы көрсеткіштерінің орындалуы мәселесі қарастырылды.

Аудан әкімінің орынбасары А.Әкімова соңғы 5 айдағы ауданның әлеуметтік-экономикалық дамуының көрсеткіштері мен күтілген жартыжылдық нәтижелер жайлы баяндады. Соңғы бес айдағы барлық негізгі көрсеткіштер асыра орындалған, өсу қарқыны бар. Бірақ, бұған қоса аудан әкімі алдағы жұмыс бойынша міндеттерге баса назар аударды. Олардың ішінде бюджетті толықтыру мәселесі ерекше орын алуда. – Бұл жағдайды шешуде Салық басқармасының қызметкерлері белсенділік танытпай отыр, - деп қадап айтты Дүйсенғазы Мағауяұлы. Тассай, Палатцы, Сарыбел ауылдық округтері әкімдерінің жауаптарын тыңдағаннан кейін аудан басшысы ішкі қорлардың көлемі ауқымды және олар әр округте бар екенін атап өтті. Ауылдық округ әкімдері мен Салық басқармасының міндеті – барлық жасырын нысандар мен өнеркәсіптерді көлеңкелі экономикадан шығару, бизнесті заңға сәйкес жасау, оның іс-әрекетін ашық қылу болып табылады.

А.Әкімованың мәліметінше, мамыр айы бойынша Көкпекті орта мектебінде, Оңалту орталығында, ішкі саясат бөлімінде қомақты қаржы игерілмей қалған. Аталған мекемелер басшылары тәртіптік жауапкершілікке тартылатын болады. Аудан әкімі жартыжылдық бойынша бөлінген қаражатты толық көлемде және уақтылы игеруге, оның ішіне «Өрлеу» бағдарламасы да кіретініне басты салмақ салды.

Аудан экономикасын дамытуда маңызды орынды балық және туризм кластерлері алмақ. Бұны нақтылап көрсете келе аудан әкімі осы мәселе бойынша құжаттардың әзірлемесін жасау кезінде жергілікті жердің жағдайын ғылыми негізде қарастыруды орынбасары А.Әкімова мен ауылшаруашылығы және ветеринария бөлімінің басшысынан талап етті. Туристік кластерді дамытуда ауылдық округ әкімдерінің жобалары мен есеп берудің жаңа үлгісі бойынша ақпараттарының маңыздылығы аз емес.

Аудан әкімі ауылшаруашылығы және ветеринария бөлімінің басшысына, ауыл әкімдеріне көктемгі егіс кампаниясының аяқталуы және алқаптарды зерттеу бойынша қоғамдық комиссия жұмысының қажеттілігі туралы ескертті.

Аудандық білім беру бөлімінің басшысы Ш.Мұстафинова «Білім беру мекемелері ережесі туралы» ҚР Үкіметі Қаулысының орындалуы бойынша дәл сараптаманы ұсынды. Оның айтуынша, ауданда Қаулының қалыптарына оқушылардың саны бойынша Петропавловка ауылындағы, С.Сейфуллин атындағы бастауыш мектептер, Ұзынбұлақ, Қараөткел, Московка ауылдарындағы негізгі мектептер, Палатцы ауылындағы орта мектептері сәйкес келмейді. Бұған қоса, аталған білім ордаларында оқушылардың аттестациялық нәтижелері төмен. Ш.Мұстафинованың баяндамасын тыңдай келе, аудан әкімі білім беру мекемелерінің оңтайландыру жүйесі – бұл бәрінен бұрын оқушылардың білім сапасын жақсартуға бағытталғандығына қарамастан,  өте күрделі және шешімі қиын мәселе екенін қадап айтты. – Бұл мектептерді жабу немесе қайта ұйымдастыру туралы шешім қабылдауда барлық оң және теріс жақтарды өлшеп, балаларды тасымалдау немесе тиісті мекемелерде тұруын, олардың әлеуметтік бейімделуін, педагогтардың жұмыспен қамтылуын және басқаларды ойластыру қажет. Мектептердің бүгінгі күні жабылатынын бірден айтуға келмейді. Бұл мәселе бойынша білім беру бөлімі, ауылдық округ әкімдері қосымша жұмыс жасайды. Ал, соңғы шешім аудандық мәслихат хатшысы Р.Беспаевтың, аудандық Ардагерлер кеңесінің төрағасы А.Әбеновтың, жауапты орынбасар К.Смаилованың қатысуымен өтетін жұмыс кеңесінде қабылданады, - деп қорытындылады Дүйсенғазы Мағауяұлы.

Аудан әкімі ауданның құрама командасының Халықтық ойындарға қатысуға даярлығы туралы ақпаратты тыңдай келе, орын алып отырған кемшіліктерді көрсетті. Сондай-ақ, ол команданы жаттықтыруға қолайлы жағдай жасау, спортшыларды жататын орынмен, жеткізу және алып жүруді қамтамасыз етуді талап етті. – Дене шынықтыру және спорт бөлімі басшысы мен жауапты орынбасардың міндеті – үздік үштіктің қатарына ену, - деді Дүйсенғазы Мағауяұлы.

Аудан әкімі өз орынбасарлары Р.Сағындықов пен А.Әкімоваға ауданнан облыстың тұрақтандыру қорына көкөністерді жеткізу бойынша, сонымен қатар сол іспеттес қорды ауданда құру жөнінде тапсырма берді. Ол туристік маусымның ашылуына баса назар аударып, қызмет көрсету саласын дамыту үшін белсенді қимылдар жасауды талап етті.

Лайлы су қоймасы жағасында орын алған қайғылы оқиға туралы айта келе, аудан әкімі қауіпке жол бермеу мүмкіндігі болғандығын атап көрсетті. Балалардың қаза табуында «Шығыс су қоймалары» бөлімі қызметкерлерінің, учаскелік инспектордың және ТЖ бөлімі қызметкерлері мен Самар ауылдық округ әкімдігі аппараты жұмысшыларының кінәсі бар. Соңғы үкімді құқыққорғау органдары шығаратыны белгілі. Алайда, ата-аналардың қайғысын онымен жеңілдете алмаймыз.

Аппараттық кеңесті қорытындылай келе, аудан әкімі аймақ экономикасының үдемелі дамуын қамтамасыз ететін тапсырмалардың толық және дер кезінде орындалуына баса назар аударды.

Надежда ШАРОВА

Read more

КӨТЕРІЛГЕН МӘСЕЛЕЛЕР – БАҚЫЛАУДА

Article Details

Белгіленген кестеге сәйкес маусым айының алғашқы сәрсенбісінде аудан әкімі Д.М.Мусин Самар ауылында азаматтарды қабылдады. Бұл жолғы қабылдауға келген халықтың қарасы мол болды. Бірақ, азаматтарды толғандырған мәселелердің шоғыры өзгеріссіз қалды.

Жер қатынастарына қатысты мәселелер іс жүзінде әрдайым басты назарда тұрады. Өсімдік шаруашылығы жобаларын жүзеге асыру барысында даулы сұрақтармен қатар, жер телімдерін алу мәселесіне қатысты сауалдар туындайды. Оларды шешу үшін аудан әкімі жер қатынастары бөліміне жағдайлар орын алған жерлерге барып, істің қыр-сырымен танысуды тапсырды.

Материалдық көмек көрсету бойынша қаралғандарды сараптай келе, отбасылардың тұрмыс жағдайының төмен болып келуінің басты себебі – алкоголдік ішімдіктерге салыну екенін атап өткен жөн. Шындығына келгенде, бұдан бірінші кезекте балалар зиян шегеді. – Осы іспетті мәселелерді бір реттік көмекпен шешу мүмкін емес. Бұл жерде қоғамдық ұйымдар, құқыққорғау органдары, білім беру, жұмыспен қамту және әлеуметтік бағдарламалар бөлімдері бірлесе жұмыс атқарулары керек, - деді аудан әкімі. – Сонымен қатар, егер отбасы өмірдің қиын жағдайларына тап болса немесе егер қымбат бағалы ем қабылдау қажет болып жатса, бұндай жағдай кейінгіге қалтырылмай, бірден шешіледі.

Меншіктендіруге рәсімдеу бойынша сапасыз атқарылған жұмыстар әлі өз салдарын көрсетуде. Көптеген тұрғындардың жылжымайтын нысандарға иелік ету үшін құжаттары жоқ. Оларды алу үшін де қиналып жүрген жайлары бар. Аудан әкімі түсіндірме бере кетіп, тиісті қызметтерге ақпараттық көмек көрсетуді тапсырды.

Сондай-ақ, қабылдау барысында тұрғын үй, жұмысқа орналасу, «Жұмыспен қамтудың жол картасы-2020» бағдарламасының екінші бағыты аясында несие алу  мәселелері көтерілді.

Аудан әкімінің қабылдауында азаматтар тарапынан айтылған барлық мәселелер бақылауға алынды, аудандық қызметтер мен ауылдық округ әкімдеріне тиісті тапсырмалар жүктелді.

Надежда ШАРОВА

Read more

ҰЛТ ДЕНСАУЛЫҒЫНЫҢ САҚШЫЛАРЫ

Article Details

Құрметті денсаулық сақтау саласының қызметкерлері!

Сіздерді кәсіби мерекелеріңіз - медицина қызметкерлері күнімен шын жүректен құттықтаймыз!

Адам үшін ең қымбат байлық оның денсаулығы. Сондықтан да, денсаулық адамның ең үлкен жетістігі. Адам денсаулығының күзетіндегі дәрігерлер барлық елдерде құрметті де қадірлі. Бұл мамандық өте жоғары кәсібилікті, адамгершілікті және адамды сүюді талап етеді.

Әр жылы маусым айының үшінші жексенбі күні құрмет пен алғысқа бөленген, Гиппократ антын қабылдап, қай кезде болмасын әрдайым сенімділікті сақтайтын, асқан шеберліктің иесі ақ желеңді абзал жандардың мерекесі. Дәрігерге ең қажеті – адамның денсаулығы, оның тағдыры. Үмітке үміт жалғап, ғұмырдың ұзақтығын сабақтастырып жүретін осы ақ желеңділер қандай құрметке болса да лайық.

Ауданда денсаулық сақтау саласында ауқымды жұмыстар қолға алынуда. Ауруханалар мен емдеу орындарының материалдық-техникалық базасы жылдан жылға жақсарып келеді. Денсаулық сақтау саласына келген жас мамандарға барлық жағдай жасалып отыр. Олар өз кезегінде жас пен кәріге, жалпы адамзаттың бәріне көмек қолын созып, жанына дауа, тәніне шипа болардай ем беруде.

Құрметті мереке иелері, ақ желеңді абзал, мейірімді жандар! Сіздер қайырымдылық пен мейірімділіктің, ізгіліктің жаршысы іспеттісіздер! Сондықтан да, медицина саласы қызметкерлері күнінің бүкілхалықтық мерекеге айналуы заңды құбылыс екені даусыз.

Елбасымыз Н.Назарбаев халықтың денсаулығын қорғау, еліміздің медицина саласын заман талабына сай дамыту мәселесіне айрықша мән беріп, ұдайы назарында ұстап келеді. Осы бағытта елімізде денсаулық саласын дамыту, тұрғындарға заманауи, қолжетімді және сапалы медициналық қызмет көрсету жолында бар мүмкіндіктер жасалуда. Және сіздердің де кәсіби біліктіліктеріңіз, медицинаға деген адал сенімдеріңіз осы саладағы өзекті мәселелерді шешуге жол ашып келеді.

Сіздердің ерен еңбектеріңізге, шипалы алақандарыңызға, мейірімді жүректеріңізге алғысымыз шексіз. Жұмыстарыңыз халыққа қуаныш сыйлап, өздеріңізді нұрға бөлесін. Сіздерге мықты денсаулық, күш-жігер, баянды бақыт және жаңа табыстар тілейміз. Еңбекте жетістіктерге жетіп, беделдеріңіз арта берсін!

Д.М.Мусин, аудан әкімі

Р.Беспаев, мәслихат хатшысы

Read more

СЫБАЙЛАС ЖЕМҚОРЛЫҚҚА ҚАРСЫ КҮРЕС - БАРШАМЫЗҒА ОРТАҚ ІС

Article Details

Бүгінгі таңда әлеуметтік аурудың алдын алу және әшкерелеу үрдісі жылдан жылға өсе түсуде. Сыбайлас жемқорлық өте қауіпті жағымсыз әлеуметтік көріністердің бірі болып табылады.

Сыбайлас жемқорлықтың жиі бой көрсететін, ең қауіпті түрі - парақорлық. Парақорлық мемлекеттік аппараттың қалыпты қызмет етуіне бөгет болып, билік және басқару органдарының беделіне нұқсан келтіреді. Заңдылық қағидаларын жоққа шығарып, азаматтардың Конституциялық құқықтары мен заңды мүдделеріне қысымшылық жасайды. Еліміздің, қоғамымыздың және жекелеген азаматтардың мүдделеріне көп зиян келтіреді.

Сондықтан, Елбасымыз Н.Ә.Назарбаев «Cыбайлас жемқорлыққа қарсы күрес - Қазақстан Республикасындағы мемлекеттік саясаттың басым бағыттарының бірі» деп көрсетті.

Қазақстан Республикасының «Сыбайлас жемқорлыққа қарсы күрес туралы» Заңында: «Сыбайлас жемқорлықпен күресті барлық  мемлекеттік органдар мен лауазымды тұлғалар жүргізуі тиіс», деп аталған.

Сыбайлас жемқорлық қылмыстардың белгісімен іс қозғаудың бір негізі - азаматтардың арызы. Сол себептен, әрбір азамат өзінің конституциялық құқығын қорғауға міндетті. Сыбайлас жемқорлық көріністеріне қолдан келгенше тосқауыл қойылып, қолында билігі бар азаматтар осы жолда өзгелерге үлгі болуы тиіс. Сонда ғана халық сенімінің мүддесінен шығатынымыз сөзсіз.

М.Теміржанов, ауыл шаруашылығы және ветеринария

бөлімінің басшысы 

Read more

НАРКОМАНИЯ – ОСОЗНАННО ПРИОБРЕТЕННАЯ БОЛЕЗНЬ

Article Details

В целях реализации Государственной программы «Саламатты  Казахстан» на 2011-2015 годы,  Приказа МЗ РК от 27.01.14 года  «О проведении мероприятий по формированию здорового образа жизни и профилактике заболеваний на 2014 год», в регионах Республики Казахстан 26 июня будет проходить   Международный день борьбы с наркоманией и незаконным оборотом наркотиков. Кроме этого, пройдет приуроченный  к нему месячник, основным девизом которого стали слова: «ПУСТЬ ЗДОРОВЫЙ ОБРАЗ ЖИЗНИ СТАНЕТ ТВОИМ НАРКОТИКОМ !»

Ситуация, сложившаяся сегодня с наркоманией в Казахстане, вызывает глубокую обеспокоенность своими масштабами, темпами распространения. Она давно приобрела статус самостоятельной проблемы, представляя реальную угрозу здоровью нации.

По данным  Восточно - Казахстанского  областного наркологического диспансера,  в  2013 году по области на учете с наркотической зависимостью состояли более 3555,  с   токсикоманической -161 человек. В последнее время отмечается  рост количества несовершеннолетних, состоящих на учете. Самое большое количество потребителей инъекционных наркотиков имеет место в Павлодарской, Карагандинской, Мангистаускойи Восточно -Казахстанской областях, а также  в городе Алматы.

   Наркомания - заболевание,  в основе которого лежит формирование болезненной психической и физической зависимости от наркотика. Но, в отличие от алкоголизма, крайне быстрое появление зависимости - с одной стороны,  и стремительное течение заболевания с наступлением исходного состояния – с другой. Чаще всего вовлекаются в наркоманию люди с неустойчивым характером и поддающиеся постороннему влиянию. Распространение  и употребление наркотиков в нашей Республике становится угрозой, особенно для детей и подростков. Большинство наркоманов начинают обычно с курения марихуаны, случайного укола опиума из праздного интереса или из желания бегства от какой – нибудь серьезной проблемы. К повторному приему толкает стремление пережить психическое состояние, обусловленное действием наркотика. При этом молодые люди не думают о грозящих им последствиях. Они уверены, что без труда бросят употреблять наркотики, когда только захотят. Однако это решение постоянно откладывается, и тем самым, все больше отдаляется возможность разрыва с наркотиками, в силу появления психической и физической зависимости. А физическая зависимость возникает очень быстро, иногда после однократного введения наркотика. Уже на этой начальной стадии появление психической зависимости, отказ от приема наркотика сопровождается изменением настроения, раздражительностью. Желание ввести повторную дозу наркотика приобретает навязчивый характер. Мозг запоминает удовольствие и требует повторить его. Постепенно повышается уровень к наркотику, с каждым приемом человек вынужден повышать дозу, чтобы достичь остроты первоначальных ощущений. Иногда доза превышает предельно допустимую в несколько десятков раз, порой значительно превышает смертельную дозу для здорового человека. При такой возрастающей зависимости к наркотику, психическое влечение уже носит непреодолимый характер. При прекращении действия принятой дозы появляется психический и физический дискомфорт. Это связано с тем, что наркотик тесно впитался в обмен веществ организма и нормальное функционирование всех органов и систем введения его становится уже невозможным, т.е. формируется новый признак болезни – физическая зависимость или синдром отмены, наркотический абстинентный синдром. Наркоманы называют такое состояние «ломкой». Это наркотическая болезнь в виде телесных физических ощущений в мышцах с «выкручиванием» суставов, судорожным сокращением мышц конечностей. Больные корчатся от боли, не в силах разогнуться. Появляются синюшность кожи, сердцебиение, одышка. Больные испытывают сильный страх смерти. Такие состояния представляют серьезную опасность для жизни. И чтобы выйти из этого состояния, приходится вновь и вновь вводить возрастающие дозы наркотика. Тут не до «кайфа», лишь бы приглушить боль на короткое время. Возникает замкнутый порочный круг-наркотик требует непрерывного применения. Постоянное введение наркотиков приводит к развитию воспалительных процессов по ходу используемых вен, их рубцовых изменений. Вены становятся непроходимыми. Вся жизнь больного, вся его активность направлена на решение двух задач: добыть наркотик и ввести наркотик.
Лечение наркомании – длительный, сложный, многоступенчатый процесс, требующий огромных усилий больного и его родственников, профессионализма медицинских работников, огромных финансовых затрат.

   Наркомания – это всегда трагедия. Течение ее стремительное, конец  предрешен – преступление, смерть.

Обращение к молодежи: эта информация предназначена для того, чтобы знать  какую опасность представляют  собой наркотики. Принимайте решение сами!  Не попадайтесь на «удочку» наркоманов и наркоторговцев. Цените жизнь во всех ее направлениях!

А.Хасам, Н.Кудербаева.

КГП на ПХВ «МРБ Кокпектинского района»

Read more

ТРЕБУЕТСЯ АКТИВНАЯ РАБОТА ПО ВСЕМ НАПРАВЛЕНИЯМ

Article Details

9 июня под председательством акима района  прошло аппаратное совещание, на котором были рассмотрены вопросы выполнения плановых показателей социально-экономического развития района,  реализации Постановления Правительства  РК «О нормативах  учреждений образования»,  подготовки  к Народным играм на призы акима области.

Read more