Наурыз айының 4-5 күндері күндері аудан әкімі Асхат Смаилов азаматтарды жеке мәселелері бойынша Көкпекті және Самар ауылдарында қабылдады. Аудан әкімінің қабылдауында ауыл тұрғындарынан әлеуметтік мәселелер, тұрғын үй, арнайы әлеуметтік көмек көрсету, жұмыспен қамту және жер туралы мәселелер көтерілді. Жеке қабылдауға «Нұр Отан» партиясы Көкпекті аудандық филиалы төрағасының бірінші орынбасары Б.Оразғалиева, Қ.Аухадиев атындағы округтің әкімі М.Малғаждарова, дербес бөлім басшылары қатысты.
Алғашқы болып қабылдауға Преображенка ауылының тұрғыны Ирина Губер кірді. Ирина бүгінгі күнде тұрақты мекенжайға тіркелмегендіктен, тұрғын үй кезегіне тұру мәселесі туындап тұр. Бұл мәселе бойынша аудан әкімі Қ.Аухадиев атындағы ауылдық округінің әкімі М.Малғаждароваға тұрақты мекенжайға қоюды тапсырды. Сондай-ақ аудан басшысы өтініш берушіге аз қамтылған және көпбалалы отбасы ретінде жұмыспен қамту және әлеуметтік бағдарламалар бөлімі тарапынан бір реттік материалдық көмек берілетінін айтты. Сол сияқты аудан әкімінің қабылдауына жазылған келесі азаматша Ырыскүл Әміренова да Преображенка ауылының тұрғыны екен. Ырыскүл анасымен бірге тұратынын, жалғызбасты ана екенін айтты. Ол тұрып жатқан үйіндегі құдығы істен шыққандықтан, ауыз суды тасу қиынға соғады. Қазіргі тұрып жатқан үйі де апаттық жағдайда. Ырыскүлдің өкпе-назын тыңдай келе, Асхат Сайдахметұлы аудандық жұмыспен қамту және әлеуметтік бағдарламалар, хал актілерін тіркеу бөлімі тарапынан жалғыз басты ана ретінде бір жолғы материалдық көмек көрсетуді тапсырды. Сол сияқты аудан әкімі жұмысқа орналастыру, үйіне құдық қазып беру, аз қамтылған отбасы ретінде мектеп жасындағы баласын тегін ыстық тамақпен қамту және тұрғын үйдің кезегіне қою сияқты мәселелерді жауапты тұлғаларға жүктеді.

Азаматтарды жеке сұрақтары бойынша қабылдағаннан кейін аудан әкімі А. С. Смаилов Самар ауылдық округінің бірқатар нысандарын аралап көрді. «Медиктер үйінің» 3 бөлмелі пәтерінің босағанына көп уақыт болған жоқ. Асхат Сайдахметұлы бұл үйді аралап шыққаннан кейін аудандық маслихат депутаты, депутаттық корпустың жетекшісі Г.Шаймардановаға науқас баласы операциядан келген соң азаматша Бабажановаға беруді тапсырды. Көп балалы ананың тұратын жеріне отынды жеткізу мәселесін Самар ауылдық округінің әкімі А. Күдербаев өз жауапкершілігіне алды.
- Муниципалдық базар ғимараты өз мақсатына сәйкес келмейді, - бұл аудан басшысының кезекті рет келуінен кейін тұжырымы.
- Самар ауылында 6 000-нан астам адам тұрады, олардың көпшілігі үшін, менің ойымша, қоғамдық монша қызметін көрсету артық болмайды. Осы шаруаны жүзеге асыруды округтегі коммуналдық шаруашылыққа тапсырамын. Егер қоғамдық монша ашылса, онда олар үшін қосымша ақша, жаңа қызмет көрсетіледі.
Округтің коммуналдық шаруашылығы қиын кезеңді бастан өткеруде. Ұйым басшысының кезекпен ауысуы, сумен қамтамасыз ету бойынша көптеген мәселелер, бұның барлығы теріс әсер етіп, оның тұрақты дамуына ықпал етеді. Аудан әкімі жаңадан тағайындалған жас басшы Марат Дюсуповқа үлкен үміт артады.
Коммуналдық шаруашылық үшін бірінші кезектегі алға қойылған тапсырма көрсетілетін қызметтің көлемін кеңейту, материалдық-техникалық базаны нығайту болып табылады. Бұл істе алғашқы «қарлығаш» МТЗ базасында құны 13 млн.700 мың теңге тұратын жаңа экскаватор - тиегіш сатып алу болды.