2022 жылдың 22 сәуірінде «Көкпекті аудандық ауруханасының» ШЖҚ КМК базасында «Бруцеллез бен сібір жарасының алдын алу. Салауатты өмір салты кабинеті ұйымдастырған вакцинацияның маңыздылығы» тақырыбында дөңгелек үстел отырысы өтті.
Жиынға аудан әкімінің орынбасары Марат Теміржанов, Көкпекті ауданының бас мемлекеттік санитарлық дәрігері Гүлмира Абдрасулова, Көкпекті аудандық ауруханасының бас дәрігері Әсем Рахимбаева, бас дәрігердің орынбасары Нина Шайдуллова, Көкпекті аудандық аумақтық инспекциясының басшысы Ержан Сарсембаев, «Көкпекті мал дәрігері» КМҚМ маманы Олжас Тоймухамбетов, салауатты өмір салты кабинетінің дәрігері Ольга Дериглазова, Көкпекті аудандық санитариялық эпидемиологиялық бақылау басқармасының жетекші маманы Наркес Жадрина қатысты.

Марат Қапарұлы бруцеллез және сібір жарасына қарсы санитарлық-профилактикалық іс-шараларды жүргізу мәселесі аудан басшысының бақылауында екенін айтты. Алда атқарылатын жұмыстар аз емес, бұл мәселелерді шешу (оның ішінде ауру малды кәдеге жарату және көму үшін мал қорымдарын салу) облыс деңгейінде жүргізілуде.
Гүлмира Қабышқызы мен Наркес Ғасырбекқызы өз сөзінде облыс тұрғындарының бруцеллез және сібір жарасы ауруларының эпидемиологиялық жағдайына тоқталса, Е.А.Сарсембаев малдар арасындағы аурушаңдыққа тоқталды. Сондай-ақ, ол бруцеллез және сібір жарасы ауруларының алдын алу бойынша атқарылып жатқан шараларды атап өтті. О.Б. Тоймухамбетов малдарды вакцинациялау мәселелеріне тоқталды.
Үлгілімалшы ауылы ДА-ның жалпы тәжірибелі дәрігері С.Қ. Жанбаева сібір жарасы мен бруцеллездің эпидемиологиясы, клиникалық көріністері, сонымен қатар спецификалық және спецификалық емес алдын алу әдістері туралы айтып өтті.
Ерекше қауіпті инфекциялардан (атап айтқанда, сібір жарасынан) өлген жануарларды көмуге арналған арнайы орындардың болуы да маңызды. Елді мекендердің кейбір тұрғындары мұндай қорымдардың қоршауларын бұзып, сол арқылы өзін де, өзгені де ауру жұқтыру қаупін туғызатын жағдайлар кездеседі. Мұндай шараларға жол беруге болмайды.
Талқылау барысында ведомство мамандары проблемалық мәселелерді атап өтіп, оларды шешу жолдары анықталды.

Пікір: