Аудан жастары аптаны салауатты өмір салтын насихаттаудан бастады. Көкпекті жастар ресурстық орталығының ұйымдастыруымен «Темекі шеккенше, тәтті же» ұранымен жастардың ат салысуымен акция өткізілді. Акцияға ресурстық орталықтың белсенді, ерікті жастары ат салысты.
Ауданның Жастар ресурстық орталығының жас мамандары тұрғындар арасында зиянды заттарды қабылдаушыларға түсіндірме іс-шараларын өткізіп, шылымды тәтті кәмпиттерге ауыстыру арқылы үйреншікті зиянды заттардан құтылу жолдарын талқылады.

«Темекі шеккенше, тәтті же» атты акция аясында аудан тұрғындарының көбі зиянды заттарын қолынан тастай салып, тәттіні алды!
Ресми мәліметтерге сүйенсек, өлім-жітім жағынан алғашқы орында тұрған жүрек-қан тамыры аурулары, тыныс алу органдары аурулары мен қатерлі ісіктің қай-қайсысы да шылымқорлық салдарынан болатын дерттер. Ерікті, белсенді жастардың қатысуымен өткен акцияның мақсаты - жалпы адам ағзасына зиянды нәрселерді тұтынудан бойларын аулақ ұстауға шақыру, темекінің құрамындағы зиянды, улы заттардың қаншалықты адам өміріне қауіпті екендігін жеткізу. Салауатты салтты насихаттау шарасы барысында акцияға қатысушылар тұрғындарға темекінің зияны туралы түсінік бере отырып, үлестірмелі парақшалар, темекінің орнына түрлі тәттілер таратты.
Айта кетсек, шылым шегу үш негізгі ауруды тудырады: өкпе обыры, созылмалы бронхит және жүректің ишемиялық ауруы. Темекі барлық жағдайлардың 90% -ында өкпенің қатерлі ісігінен, 75% -ында бронхит пен эмфиземадан және 25% -да жүрек ауруынан болатын өлімнің себебі болып табылады.
Құрметті ауыл тұрғындары, тек бүгін ғана зиянды заттарға деген құмарлықты тастамай, мүлдем өмірімізден алып тастайық!

Пікір: