Ағымдағы жылдың 31 қазанында Өскемен қаласында «Шуақты шаңырақ-2019» облыстық байқауы өтті. Байқау жастар жылына орай ұйымдастырылы, оған жас отбасылар қатысып бақтарын сынады.
Аталмыш байқауға біздің ауданның намысын қорғаған Самар ауылының тұрғыны Фарид Тұрсыновтың отбасы болды. Байқаудың барлық сынынан сүрінбей өткен Фарид Тұрсыновтың отбасы І орынды қанжығалап қайтты. Оларға қаржылай сыйлық пен марапат табысталды. Фарид отбасында Темірлан мен Томиристің ардақты әкесі, Сәуле атты жарының сүйікті жары. Олар отбасылық сайысқа келген 12 отбасының алдынан оза шауып жүлдеге ие болды.

Отбасындағы келісім мен татулық, сыйластық пен мейірімділік, сүйспеншілік пен қамқорлық міне осы секілді жақсы атаулыларының барлығы Тұрсыновтар шаңырағына ұялаған. Үйдің отағасы Фарид Самар ауылындағы «Дюсупов» ШҚ еңбек етеді. Жас отбасының жеңісімен құттықтай келе оларға толағай табыстар тілейміз!
Әр шаңырақтағы береке түптеп келгенде тұтас елдің берекесі екені рас. Себебі, адамға еңбекқорлық, отансүйгіштік, жасампаздық пен мейірімділік секілді асыл қасиет осы отбасы арқылы дариды. Ендеше елімізде осындай шуаққы толы шаңырақтар көп болсын.

Пікір: