22 тамыз күні аудандық білім беру саласы қызметкерлерінің дәстүрлі тамыз конференциясы болып өтті. Бұл жолғы отырыс «Білім беру мазмұнын жаңарту - болашаққа бағдарлану» тақырыбын арқау еткен дәстүрлі жиынға облыстық мәслихаттың депутаты Н.Түсіпова, облыстық техникалық және кәсіптік білім беру орталығы директорының м.а. Л.Кездікбаева, аудандық мәслихат хатшысы Р.Беспаев, аудан әкімінің орынбасары К.Смаилова, ауылдық округтердің әкімдері, ардагер ұстаздар, мектеп директорлары мен педагогтар қатысты. Жаңа оқу жылы қарсаңында тамыз конференциясында бас қосатын аудан педагогтары атқарылған істерге баға беріп, болашаққа бағдар жасайды. Бұл жолы да атқарылған істерді таразылап, болашақтың міндеттері айқындалды.
Жаз бойы демалып, тың бастамалар мен жаңа идеялармен қаруланған, мерекеге сай киініп, құшақтары гүл шоқтарына толған мəртебелі ұстаздар үшін аталмыш шараның мəні де мағынасы да аса зор. Конференцияның ашылу салтанатынан кейін сөз алған аудандық білім беру басқармасының бастығы Шолпан Мұстафинова биылғы бас қосудың ерекше екеніне тоқталып, барша ұстаздар қауымын жаңа оқу жылымен құттықтады. Ш.Мұстафинова конференцияға арқау болған «Жаңа білім бағдарламалары, инновация және құзыреттілік тәсілдер – табысты мектеп кепілі» тақырыбында баяндама оқыды. Бөлім бастығының дерегіне сүйенсек, өткен оқу жылымен салыстырғанда оқушы саны азайып, алдағы 2015-2016 оқу жылында аудан бойынша барлық мектептерде 4203 оқушы мектеп партасына отырады. Аудан бойынша 2009-2015 жылдар арасында 6 мектеп салынып, 12 мектеп күрделі жөндеуден өткен. Ал, енді оқу жылының қандай нәтижемен аяқтағанына тоқталсақ, аудан бо-йынша оқу үздігі – 819 оқушы, екпінділер саны – 1440 оқушы. 2015 жылы Ұлттық Бірыңғай тестілеу қорытындысы бойынша, 4 мектеп, атап айтсақ, Көкпекті орта мектебі, Ж.Болғанбаев, М.Әуезов, Ж.Шайжүнісов атындағы орта мектептер алдыңғы қатарда өз білім деңгейлерін көрсетті. Біздің ауданымыздың ҰБТ қорытындысының нәтижесі 83,8 балл, былтырғы жылға қарағанда 5,2 балл жоғары көрсеткішті көрсетті.
Сонымен қатар, Ш.Мұстафинова ағымдағы жылдың аса табыс-ты болғанын атап өтті. «Республикалық білім бəсекелерінде біздің оқушылар тек биіктен көрініп, намысты қолдан бермеді. Аудан көлемінде 117 оқушы республикалық олимпиадаларға, ал облыстық олимпиадаларға 6 оқушы қатысып, 2 оқушы жеңіске жетіп жүлделі орындарға ие болды. Басқа да маңызды жоспарлар жүйелі орындалып келеді. Жаңа оқу жылына мектептер толықтай дайын», - деді. Сондай-ақ, бөлім басшысы білім саласындағы келеңсіздіктерге де көңіл аударды. Атап айтқанда, 11 жыл бойы үздік оқып келген оқушылардың ҰБТ сынағында өз бағаларын ақтай алмағанын қадап ескертіп, осыған орай мектеп басшыларына білім сапасын арттыруға қатысты тапсырмалар берді. Сонымен қоса, биыл жаңа форматта өткен мектеп бітірушілер балын өткізу ісінде немқұрайлылық танытқан білім ордаларын сынға алды. Білім беру мекемелерінде деңгейлік курстардан өткен педагогтар өз іс-тәжірибесінде жаңа технологияларды қолданбайтынын, жекелеген пәндер бойынша мамандардың жетіспеушілігіін тілге тиек етті. Басқа да тәрбие үрдісі барысындағы олқылықтар нәтижесінде білім ордаларында орын алып отырған жасөспірімдердің ерте жүктілігі, балалардың өзіне қол салушылығы, түрлі құқықбұзушылықтар сияқты мәселелер алға тартылды.
Жарыссөзде Абай атындағы мектеп балабақша кешенінің директорының тәрбие ісі жөніндегі орынбасары Г.Смағұлова, «Өрнек» балабақшасының меңгерушісі Г.Тұрлыбекова, Ж.Шай-жүнісов атындағы орта мектептің оқу ісінің меңгерушісі Б.Габдулина өз баяндамаларында мектеп бағдарламасындағы өзекті мә-селелерді талқылады.
Аудан әкімінің орынбасары К.Смаилова мұғалімдерге ізгі тілегін арнап, білім беру саласына өз үлестерін қосып жүрген ауыл әкімдеріне марапаттар, алғыс хаттар табыстады. Сонымен қатар, алқалы жиында өткен оқу жылы қорытындысы бойынша Көкпекті ауданы мектептері арасында үздік деп танылған білім ордалары мен олардың ұстаздары анықталды.
«ҰБТ нәтижесін жоғарылатушы үздік мектеп» атағына I орын Ж.Болғанбаев атындағы орта мектебі, мектеп директоры Ж.Бакраева «Білім сапасының үздігі» атағына I орын І.Жансүгіров атындағы орта мектеп директоры Ж.Ерботин, Ал, «Ең үздік дарынды тұлға тәрбиелеуші мектеп» номинациясы бойынша I орын Преображенка орта мектеп директоры Е.Ниязбаев, «Ең үздік спортқа баулушы», атағына Көкпекті орта мектебі марапатталса, «Кәсіптік бағдар шебері» атағы дипломымен №1 Самар орта мектебі марапатталды.
Мұғалімдер қауымына арналған мерекелік концертпен жалғасқан кеңес жаңа оқу жылына зор серпіліс берді.
Клара ҚАЙЫПЖАНҚЫЗЫ

Биылғы 2015-2016 оқу жылында оқушылардың мектепке сақадай сай болып, оқулықтарының түгел болына аса назар салынып, «Мектепке - оқулықпен» республикалық акциясын өткізудің тұжырымдамасы бекітілген болатын. Осы акцияның аясында 1 тамыз бен 1 қыркүйек аралығында білім ордаларында игі шара қолға алынуда.
Акцияның мақсаты - мектеп оқушыларын тегін оқулықтармен қамтамасыз ету, мектеп кітапханасының ішкі резервтерін тиімді пайдалану және жетіспейтін оқулықтарды басқа мектептерден ауыспалы кітап қоры арқылы алуды ұйымдастыру болып табылады. Аталмыш шара үш кезең аясында өткізілуде. Акцияның «Кітап қорын тексер!» деп