Айлардың сұлтаны - Рамазан айы болса, сол Рамазан айының ең құнды, ең қасиетті түні - Қадір түні. Өйткені, бұл түн бүкіл адамзатқа Құран Кәрімнің аяттары түсе бастаған түн. Қамшының сабындай қысқа ғұмырын құлшылықпен өткізіп, Алла тағаланың разылығын табуды қалаған құлдар үшін ең қасиетті түн - Қадір түні. Оның қасиеттілігі сол бұл түнде жасалған құлшылықты Жаратушы Иеміз мың айда жасалған ғибадаттан артық деп қабылдайды екен. Шалғайда жатқан қарапайым ауылымыздың мешітінде Қадір түніне құлшылық жасап дұға тілеу тілеген жамағаттың саны артып, исламға бет бұрған жастарды көріп көңіліміз толуда. Ауылымыздағы мешітке жиналған кәрі жастың саны күннен күнге артуда. Қасиетті күн Қадір түні деп аталуын ғалымдар бұл түнде Алла тағала адамдардың келесі жылғы тағдырын, яғни өмірі мен өлімін, рызық-несібесін, бақытты немесе бақытсыз болуын т.б. жазатындығымен байланыс-тырады.

Шығыс Қазақстан облысында ат жарысы маусымының ашылу салтанаты болып өтті. Тұлпарлар мен пырақтардың төзімділігі мен ұшқырлығы сыналатын дүбірлі бәйге Ново Шүлбі ауылында өтті. Ат жарысына ауданның атынан атбегі Сарыбелдік Сайрамбек Жолдыбаев қатысып, жүлдемен оралды. Шабандоздар тай жарысы, топтық және аламан бәйге бойынша сынға түсті.

Кіндікті мен Көкпекті өзендерінің шұрайлы атырабында жатқан, қос өзеннің аңғарын қең құшағына басқан алып анадай Биғаш ауылы. «Елу жылда ел жаңа» демекші бүгінгі күні бұрынғы қалың малдың тұяғымен тапталған дала бетегесі ұйысып, аң-құсы көбейіп, тоғайы толып, орманы сыңсып тұр десек болады. Биғаш ауылын көргендер әуелі қомсынар болса да, аққан бұлақ пен жазира жайлауларын көргенде ішін тартып тамсанары анық. Тусырап жатқан жер біртіндеп игеріліп келеді. Бүгінде Биғаш ауылдық округі танаптары мың гектарлап жыртылып, егін себілуде. 

Аудан әкімі Асхат Смаилов ауылдың кіреберісіндегі осыдан елу жыл бұрын орнатылған «Көкпекті» кеңшарының «Биғаш ауылы» деп ағашпен жазылған белгі басында кездесу өткізді. Ауылдық округ әкімі Дулат Оспановтан мән-жайға қанып, отыз жылда жөндеу көрмеген мектептің ғимаратын аралап көрді. Былтыр ауыл тұрғындарын жұмылдырып атқарған жөндеу жұмыстарын көріп, биылғы жоспарланған жұмыстарды көріп, бірінші кезекте не істеу керегін айтты. Жылу қазандығы ғимаратын ықшамдап, қазандық тұратын жер мен көмір сақтайтын орынды қарады. Былтыр электр қуатымен жылытылған мектеп ғимараты биыл 2019-2020 оқу жылдарында көмір жағып жылытуға көшірмек. Мұндағы басты мақсат бюджет ақшасын тиімді пайдалану. Алдын-ала есеп бойынша электрмен жылытуға кететін қаржы екі есе үнемделмек. Мектептің бұрынғы басшыларының дәрменсіздігінен төбесінен еденіндегі тақтайына дейін шіріп кеткен спортзалын көргенде айтарға сөз болмады. Бүгінгі атқарылған жұмыс Спорт залының, жылу жүйесінің жөндеу жұмыстары уақытында аяқталатыны, мектеп басшылығының бүгінгі талапты, ширақ іс-әрекетінен танылды. Аудан басшысы Асхат Смаиловтың жас әріптестері Дулат Мұратұлы мен Архат Кабденұлына айтар ағалық ақылы «әр нәрсенің өзің үшін, елің үшін жасалып жатқан игілікті іс екенін білу және сезіну керек. Сонда ғана жақсы жетістіктерге жетесің.
Егінбұлақ ауылы тұрғындарын медициналық көмекпен қамтамасыз ету үшін медпунктке, дәрігерлер тұратын баспанаға ғимарат іздеген әкім, бұрынғы мектептің шеберханасын дәрігерлік пунктті орналастыруға лайық деп тауып, жөндеу жұмыстарын жоспарлады. Төбесі, сыртқы силикат қаптауы пайдалануға жарамды екен. Іргетасының беріктігі қабырғалардың қанша жыл бос тұрса қақырап кетуіне жол бермепті. Енді сол үй жөнделіп, бір жағына дәрігерлік пункт, бір жағына дәрігер тұратын баспана болып жөнделетін болды.

Үлгілімалшы ауылындағы мешітінің ірге тасы қаланғалы мешітімізге ешқандай күрделі жөндеу жұмыстары жүргізілмеген. Тек жыл сайын мешіттің ішіне ғана ауыл тұрғындарының көмегімен ағымдағы жөндеу жұмыстары жүргізіліп әктеліп, боялып отыратын. Өткен жылы мешіт алқасының ұйымдастыруымен ауыл тұрғындарының қаржылай көмегімен мешіттің ішіндегі үстел мен орындықтары жаңартылып жөнделген болатын. Биылғы жылы да Үлгілімалшы ауылынан шыққан азаматтардың көмегімен, ескі есіктер мен терезелер ауыстырылып, жаңадан пластик терезелер мен есіктер орнатылды. Туған жеріне жаңашырлық танытып,балалық шағын ауылда өткізген жерлестеріміз туған жеріне туын тік дегендей қол ұшын беріп көмектескен жандарды атап айтсақ Ерғазы Бабажанов, Ержан Естаев,Ержан Жакупов,Жарқын Тұрсынханов, Алмас Тұрсынханов, Мұрат Батыров, Азамат Қажығұлов, Ербол Кокенов, Нұржан Кокенов, Жомарт Садықов, Айдос Тоқпаев, Дәулет Бабажанов, Еркімбек Байтұнов, Абылғазы Көкпаев, Мұхамеднұр Ибраев, Серік Абылхаиров, Жандос Камзин, Әнеш Ақатаев, Ерлан Асқаров, Фархат Калкенов, Исламбек Кунапиянов, Мейірбек Баймұхамбетов, Азамат Көкенов, Ерболат Көкенов, Аңсар Дзюбаев, Әсет Халелов, Қайнар Дзюбаев, Айдын Читимов, Жақсылық Шынарбеков, Марат Халелов,т.б азаматтар болса осы істің басы қасында жүріп ұйымдастырған Бақытбек Байғалиевке алғысымыз зор. Ермек Сыдықұлы бастаған мектеп ұжымы және әкімшілік ұжымы көмектесіп ісіміз оңға басты.