Кез келген елдің өсуі, өркендеуі, әлемдік деңгейде өз орнын алуы сол елдің білім жүйесінің деңгейіне, даму сатысына байланысты. «Ұрпағы білімді халықтың болашағы бұлыңғыр болмайды» дегендей, жас ұрпаққа сапалы, мән-мағыналы, өнегелі тәрбие мен білім беру-бүгінгі күннің басты талабы.
22 қазан күні Абай атындағы мектеп-балабақша кешенінің ұжымы Семей қаласындағы Назарбаев Зияткерлік Мектебіне оқыту ісшарасы семинарына қатысып қайтты. Әр пән мұғалімдері НЗМ- ге келу жоспарына сай, секцияларға бөлініп әр түрлі тақырыпта баяндамалар оқыды.

Елдің әлеуметтік-экономикалық әлеуетін ұдайы өсіре отырып, әлемдік бәсекеде озық елдердің қатарында болу мақсатын алға қойып бүгіннен бастау алған өскелең заман талабымен дүйім ел боп өнеркәсіп, ауыл шаруашылығы, кәсіпкерлік тараптардағы белсенділікке, ілгерілеуге талпынып, талаптанып жатыр. Солардың бірі Миролюбовка округіндегі ірі ауыл шаруашылықтарының бірі «Намыс» ШҚ (басшысы Асқар Қайратұлы), «Миролюбовка» ЖШС (басшысы Евгений Сергеевич Бородин). Серік Тоқтажанұлының айтуынша, аталған шаруашылықтар округтің әлеуметтік-экономикалық дамуына қомақты үлес қосып, үнемі техника бөлуге тегін көмек көрсетіп тұрады. Бұл жолы Евгений Сергеевичтің арқасында ауылға кіре беріс арканы орнату үшін дәнекерлеу жұмыстары жүргізіліп, кран бөлінді.

Бастаушы ауылдық округінде Халықаралық Қарттар күніне арналған ауқымды іс-шара өткізілді. Аудан әкімі А.Смаиловтың берген тапсырмасы бойынша ауылдық клуб ғимаратының бір бөлмесі ардагерлерге арналып, күрделі жөндеуден өтті. Жөндеу жұмыстарын жүргізуге Б.Рапеков, Е.Дюсупов, Е.Мамбетов округтегі ірі шаруа қожалық басшылары демеушілік көрсетті. Салтанатты жиын ауылдық округ әкімі А.Отаршинаның құттықтау сөзімен басталды.

Тәуелсіз еліміздің өсіп-өркендеуіне, еліміздің бейбітшілік тыныш өмір кешуіне ардақты да аяулы қарттарымыздың қосқан үлесі зор. Қарттар күні - саналы ғұмырларын Елім деп, тынымсыз еңбектерімен тәуелсіз мемлекетіміздің негізін салуға жол ашқан алдыңғы буын аға- апаларымыздың төл мерекесі деп білеміз. Олардың өмір жолдары бүгінгі ұрпаққа табылмас қазына. Қарттар – біздің асыл қазынамыз. Үлгілімалшы ауылдық округінде 1 қазаннан 1 қараша аралығында қайырымдылық айлығын өткізу бойынша жоспар құрылып, жоспарға сәйкес жұмыстар жүргізілді. Үлгілімалшы ауылдық округі бойынша қазан айында қарттар мерекесімен тұспа-тұс ауылдың кіре берісіне округ әкімінің басшылығымен арка орнатылды. Арканың дәнекерлеу жұмыстарын Серік Мендығұлов пен Айдын Исанов жасады, ауылдың басқа да азаматтары мен жастарының көмегімен ауылымызда бір игі іс атқарылды. Арканың ашылу салтанатына ауыл үлкендері шақырылып, рәсім бойынша лентаны ауылдың ақсақалдары Құмарбек Ибраев пен Советқан Асқаров ақсақалдарымыз қиып, Мамай ауылының ақ жаулықты әжелері шашу шашты. Ауыл тұрғындарының ауыз біршілігі мен берекесінің көрінісін көрсетіп, ауылдың алты ауыз әнімен салтанатты ашылу рәсімін нұрландыра түсті.