«Бірінші байлық денсаулық демей», - ме дана қазағым, яғни денсаулық адамның баға жетпес, аса қымбат құндылығы. Денсаулықты күту үшін бала кезден спортқа бейім болып, спортпен айналысып, денені шынықтырып, шынықсаң шымыр боларсың деген қағиданы әр адам өмірлік ұстаным етсе нұр үстіне нұр емеспе.

Бала деген – болашағы даланың
Бала деген қуанышы ананың
Егер бала тәрбие алса данадан
Биік шыңы адалдықтың, сананың
М.А. Шакирова
Мектепке дейінгі тәрбиемен қамтамасыз етудегі балабақшалардың ұстанымы бір, мақсаты ортақ, бала тәрбиесіндегі ерен еңбегі мол. Білімді, дені сау, елдің ертеңі, болашағы, Отан қорғар азаматы-бүгінгі бүлдіршініміз деп айтар болсақ, өз ұлтымыздың құндылықтарын алға қарай алып барушы, халықтың тілі, салт-дәстүрі, әдебиеті, мәдениеті сияқты ерекшеліктермізді жалғастыратын да-бүгінгі бұлдіршіндеріміз.
Үлкенбөкен ауылының балабақшасында бүгін мерейтой- 10 жыл! Балабақшамыз 2008 жылы ашылған. Балабақшада 3 топ қызмет атқарады.
Бұл балабақша 10 жыл бұрын қызметін бастаған кезде, ауланы көгалдандыру бойынша, асхана, кір жуатын бөлме, топтар мен жатын бөлмелер бойынша көптеген жұмыстар аяқталмайтындай болып көрінген еді.
Балабақша – ол баланың өміріндегі жаңа жолға бастар алғашқы қадам.
Сол алғашқы қадамды жасауға көмек көрсетіп жүрген адамдар жайлы айтпай кетпеске болмайды.
Жылы жүзділік, педагогикалық талант, шыдамдылық пен ақылдылықтың барлығы тәрбиеші мамандығының негізі болып табылады.
Тәрбиешілер балаларға қоршаған ортаның тылсым сырларымен, мәдени және рухани құндылықтарымен таныстырып, қоршаған ортаны ұнатып, сақтау қажет екенін үйретеді.
Мектепке дейінгі мекеме ұжымын А. Егеубаева басқарады.

Ағымдағы жылдың 10 қарашасы күні Теректі ауылдық округіндегі Қ.Аухадиев атындағы орта мектебінің спорт залында спорт ардагері Лекеров Жұмағазы Баяхметұлын еске алуға арналған волейболдан 50-ден жоғары жас аралығындағы турнир өтті. Өнегелі ұстаздарын еске алуға алыс-жақыннан оқушылары, әріптестері, жерлестері және туған-туыстары мен отбасы жиналды. Ж.Б.Лекеров еңбек жолын Қарағандыкөл ауылында дене шынықтыру және алғашқы әскери дайындық пәнінің мұғалім болып бастаған.

Аудан әкімінің ауылдарды абаттандыру бойынша тапсырмасымен әр ауылдық округ сібір шыршасын әкеліп, оны отырғызу жұмыстарын жүргізді. Көкжайық, Аққала және Қойгелді Аухадиев атындағы, Үлгілімалшы ауылдық округтерінде шырша көшеттерін отырғызу бойынша белсенді жұмыстар жүргізілді. Акцияға қатысушы барлық азаматтар аса белсенді қимыл танытты.
8 жылдық шыршалардың биіктігі 1 метр-ден жоғары екен. Көшет отырғызуға әрбір ұйым жұмыла қатысты. Қойгелгелді Аухадиев атындағы ауылдық округінде барлығы 350 шырша көшеті отырғызылса, ал Аққала ауылдық округіне Катонқарағай ауданындағы ұлттық парк аумағынан әкелінген 220 түп сібір шыршасының көшеті әкімшілік ғимаратының алдына, Жеңіс саябағына, Октябрь мектеп-балабақша кешені алаңына, Жана-Жол, Қараөткел мектептерінің маңайына отырғызылды.