Махаббат...Сегіз әріп, бір арман...Ия...Расында да осы бір ғана сөз адам өмірінің мәніне айналатынына таң қаласың. Махаббатты әркім әрқалай түсінеді...Біреуге махаббат мұң, біреуге жыр, біреуге бақыт, енді біреуге қайғы әкеледі дейді.
Шынайы сезім, ақ махаббатты біздің ата-бабаларымыз мирас етіп, осы күнге дейін жеткізгенін жырлап өткен. Ол «Қозы мен Баянның, Жібек пен Төлегеннің, Еңлік пен Кебектің, Ләйлі мен Мәжнүннің, Қалқаман мен Мамырдың. Естай мен Қорланның, Ақтоты мен Ақан серінің, Абай мен Тоғжанның» махаббатары.

12 сәуір күні 8-11 сынып оқушылар арасында «Қозы Көрпеш-Баян Сұлу» күні Үлкенбөкен мектеп-балабақша кешенінде аталып өтті. Барлық оқушылар белсенді қатысты. Ғашықтар күніне арналған құттықтаулар. Ғашықтар күніне арналған тілектер мен лебіздер ұяшығы ілінді. Кешті жүргізген 9 «а» сынып оқушылары қазақ әдебиетінің лирик ақындары М.Мақатаев, Ф.Оңғарсынованың өлең жолдарымен ашты. Сайыс өзін-өзі таныстыру, өз қолымен жасалған бұйым, өз өнерін көрсету кезеңдері бойынша өтті. Сайыстың қорытындысы бойынша Қозы Көрпеш 10 «а» сынып оқушысы Дулат Манарбеков болса, оның Баян Сұлуы 10 «б» сынып оқушысы Анастасия Болтовская болып ұйғарылды. Белсене қатысқан оқушылар «Ақылына көркі сай», «Ең келбетті», «Мейірімді», «Көрікті» номинацияларымен марапатталды.

Р.Көбелдесова
Үлкенбөкен мектеп – балабақша кешенінің
Қазақ тілі және әдебиет пәнінің мұғалімі

Пікір: